గ్రామాభివృద్ధి లక్ష్యంగా కృష్ణవేణి అడుగులు
* తొలిసారిగా సర్పంచ్ ఎన్నికల బరిలో నామినేషన్
భోగాపురం, (మేజర్ న్యూస్): భోగాపురం మండలం ఏ. రావివలస గ్రామ సర్పంచ్ అభ్యర్థిగా దల్లి శ్రీను భార్య కృష్ణవేణి తొలిసారిగా ఎన్నికల బరిలో నిలిచారు. డిగ్రీ వరకు విద్యాభ్యాసం చేసిన ఆమె గ్రామానికి సేవ చేయాలనే సంకల్పంతో సర్పంచ్ అభ్యర్థిగా నామినేషన్ దాఖలు చేశారు. గ్రామంలో నెలకొన్న సమస్యలను గుర్తించి వాటి పరిష్కారానికి ప్రాధాన్యమివ్వడంతో పాటు, పంచాయతీలో మౌలిక వసతుల కల్పనకు ప్రత్యేక కృషి చేస్తానని తెలిపారు. ప్రజలకు అవసరమైన అభివృద్ధి కార్యక్రమాలను ముందుకు తీసుకెళ్లి గ్రామాన్ని ప్రగతిపథంలో నడిపించడమే తన లక్ష్యమని పేర్కొన్నారు. తొలిసారిగా ప్రజాసేవకు అవకాశం కల్పిస్తున్నందున గ్రామ ప్రజలంతా తనకు మద్దతుగా నిలిచి ఆశీర్వదించాలని విజ్ఞప్తి చేశారు. మరోవైపు ఆమె భర్త దల్లి శ్రీను యువతలో రాజకీయ చైతన్యం పెంపొందించే దిశగా పలు కార్యక్రమాలు నిర్వహిస్తూ, సామాజిక సేవా రంగంలోనూ చురుగ్గా ముందుకు సాగుతున్నారు.
రిపోర్టర్: వై శ్రీనివాస్, భోగాపురం.