బోని గ్రామంలో కూటమి నేతల ఆత్మీయ కలయిక
సర్పంచ్ అభ్యర్థి సూరాల సత్య వరప్రసాద్ రావు, ఎంపీపీ తాట్రాజు అప్పారావు కలయిక..!
ఆనందపురం, మేజర్ న్యూస్ : బోని గ్రామంలో కూటమి నేతల ఆత్మీయ కలయిక చోటుచేసుకుంది. బోని గ్రామ పంచాయతీ సర్పంచ్ అభ్యర్థి సూరాల సత్య వరప్రసాద్ రావు ని ఆనందపురం మండల ప్రజా పరిషత్ అధ్యక్షులు తాట్రాజు అప్పారావు ఆత్మీయంగా కలిశారు.
ఈ సందర్భంగా గ్రామంలో ఏర్పాటు చేసిన సమావేశంలో ఇరువురు నేతలు ప్రజల మధ్యలో నిలబడి మాట్లాడారు. గ్రామంలో కూటమి బలం, పంచాయతీ ఎన్నికల్లో అనుసరించాల్సిన వ్యూహాలపై చర్చించారు. బోని గ్రామంలో కూటమి అభ్యర్థి సూరాల సత్య వరప్రసాద్ రావు విజయం కోసం అందరూ సమన్వయంతో, ఐక్యంగా పనిచేయాలని నాయకులు పిలుపునిచ్చారు.
గ్రామంలో నెలకొన్న సమస్యలు, చేపట్టాల్సిన అభివృద్ధి పనులపై కూడా ఈ సందర్భంగా చర్చ జరిగింది. ప్రజలకు మెరుగైన మౌలిక సదుపాయాలు కల్పించేందుకు కూటమి ప్రభుత్వం కృషి చేస్తోందని, గ్రామ స్థాయిలో కూడా అదే స్ఫూర్తితో పనిచేస్తామని నాయకులు తెలిపారు.
సూరాల వరప్రసాద్ రావు తో పాటు ఏడుగురు వార్డు మెంబర్లు నామినేషన్ దాఖలు చేశారు. నామినేషన్ దాఖలు సందర్భంగా గ్రామంలో కూటమి శ్రేణుల్లో ఉత్సాహం నెలకొంది.
ఈ కార్యక్రమంలో బోని గ్రామ తెలుగుదేశం పార్టీ నాయకులు, కూటమి కార్యకర్తలు, మహిళలు, యువకులు, గ్రామ పెద్దలు పెద్ద సంఖ్యలో పాల్గొన్నారు.
కూటమి నాయకులు, కార్యకర్తల సమక్షంలో జరిగిన ఈ ఆత్మీయ సమావేశం గ్రామంలో కూటమి ఐక్యతకు నిదర్శనంగా నిలిచింది.