andhrapradesh
ఘనంగా బాలల దినోత్సవ వేడుకలు
ములకలచెరువు మండలంలోని బురకాయలకోట డాక్టర్ బి.ఆర్ అంబేద్కర్ గురుకులంలో ప్రిన్సిపల్ సి సుభాషిని ఆధ్వర్యంలో బాలల దినోత్సవ వేడుకలు ఘనంగా నిర్వహించారు.నవంబర్ 14న ఆంధ్రప్రదేశ్ సాంఘిక సంక్షేమ గురుకుల విద్యాలయాల సంస్థ ఆధ్వర్యంలో నిర్వహించిన వేడుకల్లో విద్యార్థులు ఉత్సాహంగా పాల్గొన్నారు.ఈ సందర్భంగా విద్యార్థులకు వివిధ క్రీడా పోటీలు, ఇండోర్, అవుట్‌డోర్ గేమ్స్‌తో పాటు సాంస్కృతిక కార్యక్రమాలు నిర్వహించారు. జూనియర్, సీనియర్ విభాగాల్లో, బెస్ట్ అవుట్‌డోర్, బెస్ట్ ఇండోర్, ఓవరాల్ విభాగాల్లో ప్రతిభ కనబరిచిన విద్యార్థులకు బహుమతులు ప్రదానం చేశారు.
విద్యార్థుల ఆటపాటలు, సాంస్కృతిక ప్రదర్శనలతో గురుకులంలో పండుగ వాతావరణం నెలకొంది.ఈ కార్యక్రమంలో ఉపాధ్యాయ బృందం,విద్యార్థులు, తల్లిదండ్రులు తదితరులు పాల్గొన్నారు.
పి. గౌరీ శంకర్ స్టాప్ రిపోర్టర్ తంబళ్లపల్లె
