ఘనంగా అంగన్వాడీ ఉత్సవాలు

వేటపాలెం మేజర్ న్యూస్ : మండలంలోని బాపయ్యనగర్‌–1, లక్ష్మీపురం–1 అంగన్వాడీ కేంద్రాల్లో  అంగన్వాడీ ఉత్సవాలను నిర్వహించారు. ఐసీడీఎస్‌ పర్యవేక్షకురాలు సజ్జా పుష్పవల్లి మాట్లాడుతూ.. గర్భం దాల్చిన నాటి నుంచి బిడ్డకు ఆరేళ్ల వయసు వచ్చే వరకు అంగన్వాడీ కేంద్రాల ద్వారా పౌష్టికాహారం, ఆరోగ్య సేవలు అందుతున్నాయని తెలిపారు. చిన్నారుల మానసిక, శారీరక ఎదుగుదలకు, విద్యాబుద్ధులు నేర్పేందుకు, ఆటపాటల ద్వారా ఆరోగ్యకరమైన అభివృద్ధికి అంగన్వాడీ కేంద్రాలు ఎంతో దోహదపడుతున్నాయని వివరించారు. కార్యక్రమంలో అంగన్వాడీ కార్యకర్తలు పాపమ్మ, అనురాధ, సబిత, సువార్తమ్మ, ఆశా కార్యకర్తలు, చిన్నారుల తల్లులు పాల్గొన్నారు.