వీక్లీ పరేడ్ తో దేహదారుఢ్యం, సామర్థ్యం పెంపు : ఆర్ఐ విజయ్ భాస్కర్

నారాయణపేట, సూర్యన్యూస్ :;నారాయణపేట జిల్లా పోలీస్ పరేడ్ మైదానంలో పోలీస్ సిబ్బందికి వీక్లీ పరేడ్‌ను ఆర్ ఐ విజయ్ భాస్కర్ ఆధ్వర్యంలో శనివారం నిర్వహించారు. ఈ సందర్భంగా పోలీస్ సిబ్బంది పరేడ్‌లో భాగంగా  మార్చ్‌పాస్ట్, డ్రిల్, శారీరక వ్యాయామాలు నిర్వహించారు. అనంతరం ఆర్ఐ విజయ్ భాస్కర్ మాట్లాడుతూ... పోలీస్ శాఖలో విధులు నిర్వహించే ప్రతి సిబ్బందికి క్రమశిక్షణ, దేహదారుఢ్యం, సమయపాలన ఎంతో ముఖ్యమని తెలిపారు. వీక్లీ పరేడ్ ద్వారా సిబ్బందిలో శారీరక సామర్థ్యంతో పాటు మానసిక దృఢత్వం, సమన్వయం, క్రమశిక్షణ పెంపొందుతాయని పేర్కొన్నారు. ఈ పరేడ్ వల్ల పోలీస్ సిబ్బంది నిరంతరం ఫిట్‌గా ఉండటంతో పాటు విధి నిర్వహణలో అప్రమత్తంగా వ్యవహరించాలని సూచించారు. ప్రజల భద్రత, శాంతిభద్రతల పరిరక్షణలో పోలీసులపై ఉన్న బాధ్యతను గుర్తించి అంకితభావంతో విధులు నిర్వర్తించాలని అన్నారు. అనంతరం సిబ్బంది సమస్యలను అడిగి తెలుసుకుని, విధి నిర్వహణలో ఎదురయ్యే ఇబ్బందులపై చర్చించారు. ఆరోగ్యంపై ప్రత్యేక శ్రద్ధ వహిస్తూ, ప్రతిరోజూ శారీరక వ్యాయామం చేయాలని సిబ్బందికి సూచించారు. ఈ కార్యక్రమంలో ఆర్ఎస్ఐ లు శివ శంకర్, శిరీష, ఏఆర్, సివిల్ పోలీస్ సిబ్బంది తదితరులు పాల్గొన్నారు.
-- *రాజేష్ కుమార్, సూర్య రిపోర్టర్ నారాయణపేట*