విద్యార్థులకు మెటీరియల్ పంపిణీ

కందుకూరు మండలంలో విద్యార్థులకు  ఎన్ఎంఎంఎస్  మెటీరియల్ పంపిణీ

కందుకూరు మండలంలోని కందుకూరు బాలికల పాఠశాలతో పాటు నేదునూరు, పులిమామిడి, గూడూరు, రాచులూరు, కురుమిద్దె గ్రామాల్లోని జెడ్ పి హెచ్ ఎస్  పాఠశాలల్లో 8వ తరగతి విద్యార్థులకు యూత్ ఫర్ సేవా ఆధ్వర్యంలో ఎన్ఎంఎంఎస్  మెటీరియల్ పరీక్షా మెటీరియల్‌ను వాలంటీర్ మొగిళ్ల శ్రీకాంత్ అందజేశారు.
ఈ సందర్భంగా శ్రీకాంత్ మాట్లాడుతూ ప్రభుత్వ పాఠశాలల్లో 8వ తరగతి చదువుతున్న అర్హులైన విద్యార్థులు ఎన్ ఎం ఎం ఎస్  పరీక్షకు హాజరై మెరిట్ సాధిస్తే 9వ తరగతి నుంచి 12వ తరగతి వరకు నెలకు రూ.1,000 చొప్పున స్కాలర్‌షిప్ పొందవచ్చని తెలిపారు. పరీక్ష విధానం, అర్హతలు, దరఖాస్తు ప్రక్రియపై విద్యార్థులకు అవగాహన కల్పించారు. కార్యక్రమంలో ప్రధానోపాధ్యాయులు, ఉపాధ్యాయులు, యూత్ ఫర్ సేవా వాలంటీర్లు ఎలిమినేటి ప్రవీణ్, ఢిల్లీ అనిల్, ప్రవీణ్ రెడ్డి, కొలికిచర్ల అభిలాష్, తిక్కల మణికుమార్ (మై భారత్ వాలంటీర్) తదితరులు పాల్గొన్నారు.

తోకల శ్రీనివాస్: మేజర్ న్యూస్ కందుకూరు