గౌడ సంఘం నేత చెంచు రామారావు జన్మదినం సందర్భంగా అన్నదానం, పండ్ల పంపిణీ

కైకలూరు, మేజర్ న్యూస్, ఆంధ్రప్రదేశ్ రాష్ట్ర గౌడ సంఘం అధ్యక్షులు పోసిన చెంచు రామారావు జన్మదినాన్ని పురస్కరించుకుని కైకలూరు నియోజకవర్గ గౌడ సంక్షేమ సంఘం ఆధ్వర్యంలో పలు సేవా కార్యక్రమాలు నిర్వహించారు. ఈ సందర్భంగా కైకలూరు ప్రభుత్వ ఆసుపత్రిలో చికిత్స పొందుతున్న రోగులకు, ఆసుపత్రికి వచ్చిన గర్భిణులకు రొట్టెలు, పండ్లు పంపిణీ చేసి అన్నదానం నిర్వహించారు. అనంతరం కైకలూరు ఎస్టీ కాలనీలో పేదలకు రొట్టెలు, పండ్లు పంపిణీ చేశారు.అదేవిధంగా లోకుమూడి దత్తాశ్రమంలో పోసిన చెంచు రామారావు జన్మదినాన్ని పురస్కరించుకుని కేక్ కట్ చేసి, ఆయనకు జన్మదిన శుభాకాంక్షలు తెలియజేశారు.ఈ సందర్భంగా రాష్ట్ర సంఘం నాయకులు పరసా వీర్రాజు, కైకలూరు నియోజకవర్గ గౌడ సంఘం అధ్యక్షులు పోలగాని నాగరాజు మాట్లాడుతూ, చెంచు రామారావు జన్మదినం సందర్భంగా అన్నదానం, పండ్లు, రొట్టెల పంపిణీ వంటి సేవా కార్యక్రమాలు నిర్వహించడం అభినందనీయమని ప్రశంసించారు. పేదలకు అండగా నిలుస్తూ సేవా కార్యక్రమాలు చేపట్టడం స్ఫూర్తిదాయకమని పేర్కొన్నారు. ఈ సందర్భంగా కలిదిండి సెంటర్లో బదిర్రాజు కాంప్లెక్స్ గ్రౌండ్లో  ఘనంగా జన్మదిన వేడుకలు నిర్వహించారు . నియోజకవర్గం లోని పలువురు నాయకులు రామారావుకి శుభాకాంక్షలు తెలిపారు.ఈ కార్యక్రమంలో సంఘ నాయకులు మాడెం కృష్ణారావు, అల్లూరి మంగారావు,బొర్రా సత్యనారాయణ,పరిసే రాణి, సింహాద్రి కేదార్, వీరంకి సత్యనారాయణ,దాసరి శ్రీనివాస్, చిల్లి ముంత నాగబాబు తదితరులు పాల్గొన్నారు.