ఎన్నికల కోడ్ నేపథ్యంలో పీజీఆర్ఎస్ రద్దు డిసెంబర్ 3 వరకు ప్రజా ఫిర్యాదుల స్వీకరణకు తాత్కాలిక విరామం

రేణిగుంట మేజర్ న్యూస్, అక్టోబర్ 24: తిరుపతి జిల్లాలో స్థానిక సంస్థల ఎన్నికల ప్రవర్తనా నియమావళి అమలులో ఉన్నందున, కలెక్టరేట్‌లో ప్రతి సోమవారం నిర్వహించే ప్రజా ఫిర్యాదుల పరిష్కార వేదిక (పీజీఆర్ఎస్), డైలీ గ్రీవెన్స్ కార్యక్రమాలను తాత్కాలికంగా రద్దు చేసినట్లు జిల్లా కలెక్టర్ డా. ఎస్. వెంకటేశ్వర్ శనివారం వెల్లడించారు. అక్టోబర్ 14 నుంచి డిసెంబర్ 3 వరకు ఎన్నికల కోడ్ అమలులో ఉంటుందని, అప్పటివరకు పీజీఆర్ఎస్ కార్యక్రమాలు నిర్వహించబోమని తెలిపారు. ప్రజలు ఈ విషయాన్ని గమనించాలని కలెక్టర్ సూచించారు.