ఈనెల 22 నుండి త్రోబాల్ జిల్లా మెన్,ఉమెన్ జట్ల ఎంపిక : త్రోబాల్ అసోసియేషన్ జిల్లా సెక్రటరీ కిరణ్ వెల్లడి
రామసముద్రం,మేజర్ న్యూస్ : మండల పరిధిలోని ఆదర్శ పాఠశాలలో ఈ నెల 22న ఉమ్మడి చిత్తూరు జిల్లా త్రోబాల్ మెన్ అండ్ ఉమెన్ జిల్లా జట్టు ఎంపికలు జరగనున్నాయి.ఆసక్తి గల క్రీడాకారులు అదే రోజు ఉదయం 10 గంటలకు మోడల్ స్కూల్కు హాజరు కావలసిందిగా జిల్లా త్రోబాల్ అసోసియేషన్ సెక్రటరీ,ఆర్గనైజర్ కిరణ్ సోమవారం ఒక ప్రకటనలో తెలిపారు.ఈ సందర్భంగా ఆయన మాట్లాడుతూ ఉమ్మడి చిత్తూరు జిల్లా త్రోబాల్ అసోసియేషన్ ఆధ్వర్యంలో జరిగే ఈ ఎంపికలకు జిల్లా నలుమూలల నుంచి క్రీడాకారులు హాజరు కానున్నారన్నారు.ఎంపికల్లో ప్రతిభ కనబరిచిన క్రీడాకారులు ఈ నెల 28,29 తేదీల్లో విజయవాడలో జరిగే రాష్ట్రస్థాయి త్రోబాల్ పోటీల్లో ఉమ్మడి చిత్తూరు జిల్లా తరఫున ప్రాతినిధ్యం వహిస్తారని ఆయన పేర్కొన్నారు.ఈ అవకాశాన్ని క్రీడాకారులు సద్వినియోగం చేసుకోవాలని వారు కోరారు.
రిపోర్టర్ : కే.ఈశ్వర్ రెడ్డి,మదనపల్లి నియోజకవర్గం ఇంచార్జి