దోమతెరలతో వ్యాధులు దూరం - డాక్టర్ బేతం హర్ష

ఆత్మకూర్, మేజర్ న్యూస్ : దోమతెరలను వాడడం వలన దోమల ద్వారా వ్యాపించే వ్యాధులను తరిమికొట్టవచ్చని బైర్లూటి ప్రాథమిక ఆరోగ్య కేంద్రం వైద్యులు  బేతం హర్ష అన్నారు. గురువారం మండలంలోని బైర్లూటి ప్రాథమిక ఆరోగ్య కేంద్రం పరిధిలోని వెంకటాపురం గ్రామం వసతి గృహం లోని విద్యార్థులకు డాక్టర్ బేతం హర్ష ఆధ్వర్యంలో దోమతెరలను పంపిణీ చేశారు. ఈ సందర్భంగా డాక్టర్ బేతం హర్ష  మాట్లాడుతూ దోమల ద్వారా వ్యాపించే వ్యాధులైన మలేరియా, డెంగ్యూ, చికెన్ గున్యా తదితర వ్యాధుల గురించి విద్యార్థులకు వివరించామన్నారు. దోమల ద్వారా వ్యాపించే వ్యాధులు దరిచేరకూడదు అంటే ప్రతి ఒక్కరు తప్పనిసరిగా దోమతెరలు వాడాలని, దోమలు కుట్టకుండా తగు జాగ్రత్తలు తీసుకోవాలి అన్నారు. పరిసర ప్రాంతాల్లో నీరు నిలువ ఉండకుండా చూసుకోవడంతో పాటు పరిసరాలను పరిశుభ్రంగా ఉంచుకోవాలన్నారు. పరిసరాలు పరిశుభ్రంగా ఉంచుకోవడం వల్ల దోమల వృద్ధి చెందామని తద్వారా వ్యాధుల బారి నుంచి తప్పించుకోవచ్చు అన్నారు. అనంతరం విద్యార్థులకు ఆత్మకూరు సబ్ యూనిట్ అధికారి కృష్ణారెడ్డి విద్యార్థులకు దోమతెరలు పంపిణీ చేశారు. కార్యక్రమంలో సిహెచ్ఓ కుద్దుస్ బాష, ఆరోగ్య కార్యకర్తలు భాస్కర్, పద్మ,  వసతి గృహం వార్డెన్ రాజు, ఆశా కార్యకర్తలు,విద్యార్థులుపాల్గొన్నారు.