దివ్యాంగుల జిల్లాస్థాయి క్రీడా ఎంపికలు

ఎడ్యుకేషన్ స్టాప్ రిపోర్టర్ : వికలాంగుల అంతర్జాతీయ దినోత్సవం సందర్భంగా శాప్ ఆదేశాల మేరకు, పారా స్పోర్ట్స్ అసోసియేషన్ ఆఫ్ ఆంధ్రప్రదేశ్ సహకారంతో శనివారం ఎస్.వి.యూనివర్సిటీ క్రీడా మైదానంలో దివ్యాంగుల జిల్లా స్థాయి పారా క్రీడల ఎంపికలు నిర్వహించారు. ఈ ఎంపికలు ఆరు క్రీడాంశాలైన పారా అథ్లెటిక్స్, పారా బ్యాడ్మింటన్, పారా టేబుల్ టెన్నిస్, పారా తైక్వాండో, వీల్‌చైర్ ఫెన్సింగ్, బ్లైండ్ గోల్‌బాల్ విభాగాల్లో నిర్వహించారు.ఈ కార్యక్రమానికి ముఖ్యఅతిథిగాజిల్లా క్రీడాభివృద్ధి అధికారి ఎన్.శశిధర్ హాజరై మాట్లాడుతూ జిల్లా స్థాయి పారా క్రీడల ఎంపికలు విజయవంతంగా పూర్తయ్యాయని తెలిపారు. ఈ ఎంపికల్లో 6  క్రీడా విభాగాలకు సంబంధించి మొత్తం 21 మంది క్రీడాకారులు ఎంపికైనట్లు తెలిపారు. ఈ కార్యక్రమానికి పారా స్పోర్ట్స్ అసోసియేషన్ అధ్యక్షులు తలారి మోహన్ బాబు ముఖ్య అతిథిగా పాల్గొన్నారు. వీరితో పాటు టెక్నికల్ అధికారులు ఎన్. నాగజ్యోతి, డి.కార్తీక్ పాల్గొని ఎంపిక నిర్వహణకు సహకరించారు. ఎంపికైన క్రీడాకారుల పేర్ల జాబితాను క్రీడాంశాల వారీగా, తదుపరి నిర్వహించనున్న రాష్ట్ర స్థాయి పోటీల తేదీ, వేదిక వివరాలను త్వరలో అధికారికంగా ప్రకటించనున్నట్లు తెలియజేశారు. ఈ ఎంపికల్లో సుమారు 60 మంది క్రీడాకారులు, కోచ్‌లు, సిబ్బంది పాల్గొన్నారు.

సీఎం గౌడ్ తిరుపతి స్టాప్ రిపోర్టర్