కిసాన్ మోర్చా అధ్యక్ష బాధ్యతలు.. కృతజ్ఞతలు తెలిపిన మల్లారెడ్డి
రైతుల సమస్యల పరిష్కారానికి కృషి చేస్తా.. పార్టీ బలోపేతమే లక్ష్యం
కీసర, మేజర్ న్యూస్ (నవంబర్, 15):
కీసర మండల బీజేపీ కిసాన్ మోర్చా అధ్యక్షుడిగా తనకు అవకాశం కల్పించి, కీలక బాధ్యతలు అప్పగించిన పార్టీ అధిష్ఠానానికి నూతన అధ్యక్షుడు, అన్నోజిగూడకు చెందిన మల్లారెడ్డి కృతజ్ఞతలు తెలిపారు. తనపై నమ్మకంతో బాధ్యతలు అప్పగించిన పార్టీ రాష్ట్ర, జిల్లా, డివిజన్‌ స్థాయి నాయకులకు, సీనియర్‌ నాయకులకు, బూత్‌ అధ్యక్షులకు ప్రత్యేక ధన్యవాదాలు తెలియజేశారు.
రైతుల సమస్యల పరిష్కారమే ధ్యేయం
పార్టీ నాయకులు, కార్యకర్తల సహకారంతో బీజేపీ బలోపేతానికి కృషి చేస్తానని మల్లారెడ్డి పేర్కొన్నారు. రైతులు ఎదుర్కొంటున్న సమస్యల పరిష్కారానికి నిరంతరం కృషి చేస్తూ, కిసాన్ మోర్చాను మండలంలో మరింత బలోపేతం చేస్తానని తెలిపారు. తన నియామకానికి సహకరించిన ప్రతి ఒక్కరికీ హృదయపూర్వక కృతజ్ఞతలు తెలియజేశారు.
