దీపావళి అమావాస్యకు వేకనూరు సూర్యనారాయణ స్వామి ఆలయంలో ప్రత్యేక పూజలు

అవనిగడ్డ, మేజర్ న్యూస్: దీపావళి అమావాస్యను పురస్కరించుకుని వేకనూరులోని శ్రీ సూర్యనారాయణ స్వామివారి దేవస్థానంలో ఈ నెల 8వ తేదీ ఆదివారం ప్రత్యేక పూజలు నిర్వహించనున్నట్లు ఆలయ కమిటీ తెలిపింది.

ఉదయం 8 గంటలకు స్వామివారి అభిషేకం, 9 గంటలకు ఆదిత్య, నవగ్రహ, మృత్యుంజయ హోమాలు, 10 గంటలకు పంచామృత అభిషేకం, 11 గంటలకు స్వామివారి శాంతి కళ్యాణం నిర్వహిస్తారు. మధ్యాహ్నం 12 గంటలకు పూర్ణాహుతి అనంతరం తీర్థప్రసాదాలు, 12.30 గంటలకు అన్నప్రసాద వితరణ ఉంటుంది.

హోమపూజల్లో పాల్గొనదలచిన భక్తులు ఉదయం 8 గంటల అభిషేకానికి హాజరుకావాలని, మరిన్ని వివరాలకు ఆలయ కమిటీ సభ్యులను సంప్రదించాలని కోరారు.
✍️ అజంతా శ్రీనివాస్, అవనిగడ్డ, కృష్ణాజిల్లా.