దశాబ్దాలుగా టిడిపి జెండా మోసిన వారు, నేడు వైసీపీలో చేరిక...
మక్కువ, సూర్య : మక్కువ రాజకీయ చరిత్రలోనే మరపురాని , మరువరాని ఘటన నేడు చోటుచేసుకుంది. గడచిన నాలుగు దశాబ్దాలు కాలంగా తెలుగుదేశం పార్టీ జండా మోస్తూ, పార్టీ కోసం అహర్నిశలు శ్రమించి పనిచేసిన వ్యక్తులు నేడు తెలుగుదేశం పార్టీని వీడి, వైసీపీలో చేరడం మక్కువ రాజకీయ చరిత్రలో మరువని ఘట్టంగా రాజకీయ విశ్లేషకులు అభివర్ణిస్తున్నారు. తెలుగుదేశం పార్టీకి కరుడుగట్టిన వ్యక్తులగా గుర్తింపు పొందిన మక్కువ గ్రామానికి చెందిన మావుడి పార్థసారథి, తారక రామ పబ్లిక్ స్కూల్ అధినేత లింగం తారక రామారావు , కొండపల్లి గోపి తో సహా తమ అనుచరులు సోమవారం నాడు వైసిపి మండల పార్టీలో అధ్యక్షులు మావుడి రంగునాయుడు ఆధ్వర్యంలో పార్టీలో చేరారు. పార్టీలో చేరిన వారికి వైసిపి నాయకులు మావుడి రంగునాయుడు పార్టీ కండువులకప్పి ఆహ్వానించారు. అన్నివేళలా తమకు అండగా ఉంటామని ఈ సందర్భంగా ఆయన వారికి హామీ ఇచ్చారు. వీరి చేరికతో మక్కువ రాజకీయంలో ఆసక్తికర పరిణామాలు చోటుచేసుకోబోతున్నాయని రాజకీయ విశ్లేషకులు అంటున్నారు.
