చీరాలలోని 88 పోలింగ్ కేంద్రాలలో ఎన్నికలు ప్రారంభం

చీరాల, మేజర్‌న్యూస్‌ :

 చీరాల మున్సిపాలిటీ ఎన్నికలు స్వేచ్ఛాయుత వాతావరణంలో మొదలయ్యాయి. చీరాలలోని 88 పోలింగ్ కేంద్రాలలో ఎన్నికలు ప్రారంభమయ్యాయి. ఆదివారం ఉదయం ఏడు గంటలకు ఓటర్లు పోలింగ్ కేంద్రాలకు వెళ్లి తమ ఓటు హక్కును వినియోగించుకుంటున్నారు. వెబ్ కాస్టింగ్ ద్వారా కమాండ్ కంట్రోల్ రూమ్ నుంచి ఎన్నికల సరళిని సమగ్ర శిక్ష అభియాన్ ఏపీసీ డాక్టర్ శ్రీనివాసరావు, మెప్మా పిడి ఆనంద్ సత్యపాల్, ఎన్నికల విభాగం పర్యవేక్షకులు షేక్ షఫీ పర్యవేక్షిస్తున్నారు. ఉదయం 7 గంటల నుంచి 9 గంటల వరకు జరిగిన పోలింగ్ సరళి చీరాల మున్సిపాలిటీలో 10.09 శాతం నమోదైంది.