చారిత్రక చంగిస్ ఖాన్ పేట 5వ వార్డు సభ్యురాలిగా ఇనాదుల శిరీష ఏకగ్రీవం
గుంటూరు : చారిత్రాత్మక కొండవీడు కోటకు అతి సమీపాన ఉండి, నేడు ప్రముఖ పర్యాటక కేంద్రంగా వర్ధిల్లుతున్న చంగిస్ ఖాన్ పేట గ్రామ పంచాయతీలో జనసేన పార్టీ తన సత్తా చాటింది. యడ్లపాడు మండల పరిధిలోని చంగిస్ ఖాన్ పేట 5వ వార్డుకు జరిగిన ఎన్నికల నామినేషన్ల ప్రక్రియలో జనసేన పార్టీ బలపరిచిన అభ్యర్థిని ఇనాదుల రామకోటేశ్వరరావు సతీమణి ఇనాదుల శిరీష ఒక్కరే నామినేషన్ వేసి ఏకగ్రీవంగా ఎన్నికయ్యారు.ఈ వార్డు స్థానానికి ఇనాదుల శిరీష మాత్రమే సింగిల్ నామినేషన్ దాఖలు కావడంతో, ఎన్నికల అధికారులు ఆమె ఏకగ్రీవంగా ఎన్నికైనట్లు అధికారికంగా ప్రకటించారు.చారిత్రక నేపథ్యం ఉన్న చంగిస్ ఖాన్ పేట గ్రామంలో 5వ వార్డు నుంచి జనసేన అభ్యర్థి ఏకగ్రీవంగా గెలుపొందడంపై స్థానిక జనసేన శ్రేణులు, గ్రామస్థులు హర్షం వ్యక్తం చేస్తున్నారు. ఈ సందర్భంగా నాయకులు, కార్యకర్తలు శిరీష, రామకోటేశ్వరరావు దంపతులను శాలువాలతో సత్కరించి అభినందనలు తెలిపారు.ఈ సందర్భంగా నూతనంగా ఎన్నికైన వార్డు సభ్యురాలు ఇనాదుల శిరీష మాట్లాడుతూ తనపై నమ్మకంతో ఏకగ్రీవంగా ఎన్నుకున్న 5వ వార్డు ప్రజలకు, సహకరించిన జనసేన నాయకులకు, గ్రామస్తులకు హృదయపూర్వక కృతజ్ఞతలు తెలిపారు. పర్యాటక ప్రాంతంగా అభివృద్ధి చెందుతున్న చంగిస్ ఖాన్ పేటలో 5వ వార్డును అన్ని విధాలా ఆదర్శవంతంగా తీర్చిదిద్దుతానని, తాగునీరు, పారిశుద్ధ్యం వంటి మౌలిక వసతుల కల్పనకు నిరంతరం కృషి చేస్తానని ఆమె హామీ ఇచ్చారు. అదే విధంగా 9 వ వార్డు నుండి ఎస్ పి. వెంకటేశ్వర్లు 11 వ వార్డు నుండి కటకంశెట్టి సుబ్బులు కూడా జనసేన పార్టీ నుండి ఏకగ్రీవంగా గెలుపొందారు.
సూర్య నాయక్