బొత్స సమక్షంలో కండువా కప్పుకున్న గరివిడి టీడీపీ నాయకులు

చీపురుపల్లి  అక్టోబర్ 21 మేజర్ న్యూస్: గరివిడి మండలంలో ఎన్నికల సందర్భంగా ఒక్కసారిగా రాజకీయ సమీకరణలు మారాయి.  టీడీపీ మెరకముడిదాం మండల అధ్యక్షుడు, గరివిడి క్లస్టర్ పర్యవేక్షకులు రెడ్డి గోవింద్ అతని భార్య భారతి బుధవారం టీడీపీ వీడి వైసీపీలో చేరారు.  చీపురుపల్లిలోని తన నివాసంలో ఏర్పాటు చేసిన కార్యక్రమంలో శాసనమండలి విపక్ష నేత  బొత్స సత్యనారాయణ   సమక్షంలో గరివిడికి చెందిన సుమారు 200 కుటుంబాలు వైసీపీలో చేరారు. భీమిలి సమన్వయకర్త డాక్టర్ బొత్స అనూష, బొత్స సందీప్, గరివిడి  మండల పార్టీ అధ్యక్షుడు విశ్వేశ్వరరావు లతో కలిసి కొత్తగా చేరిన వారికి బొత్స సత్యనారాయణ పార్టీ కండువాలు కప్పి ఆహ్వానించారు.

పార్టీలో చేరిన వారిలో మాజీ ఎంపీటీసీలు వలిరెడ్డి బాజ్జీ, బమ్మిడి నర్సయ్య, వైగాళ సత్యం, మాజీ వార్డు మెంబర్ కిరణ్, యువజన నాయకుడు చిన పైడి నాయుడు, యాదవ సంఘ నాయకులు వైగాల శ్రీను, వైగాల రమేష్ ఉన్నారు. రానున్న స్థానిక సంస్థల ఎన్నికలను దృష్టిలో ఉంచుకుని నియోజకవర్గంలో వైసీపీ శ్రేణులు ఐక్యంగా పనిచేయాలని ఈ సందర్భంగా బొత్స సత్యనారాయణ పిలుపునిచ్చారు. ఈ కార్యక్రమంలో మీసాల వరహాల నాయుడు, ఇప్పిలి అనంత్, అప్పలస్వామి, కార్తీక్, పలువురు మాజీ సర్పంచులు, వార్డు సభ్యులు పాల్గొన్నారు. 

మధు, సూర్య చీపురుపల్లి విజయనగరం జిల్లా