బిసి సి లకు ఏలూరు మేయర్ స్థానం కేటాయించాలి -ఓట్లు మావి? సీట్లు మీకా ?

 ఏలూరు , మేజర్ న్యూస్ : ఏలూరులో ఎస్సీ ఓటర్ల జనాభా 50 వేలమంది, బీసీసీ ఓటర్ల జనాభా 27 వేల మంది కలిపి 77 వేల మంది ఉన్న  ఎస్సీ క్రైస్తవులకు బిసి కోటాలో ఉన్న బిసిసి కి ఏలూరు  మేయర్ సీటు  కేటాయించాలని  ముఖ్యమంత్రి ని పలువురు కోరారు. ప్రతిపక్ష నాయకులకు కూడా నేషనల్ దళిత జేఏసీ చైర్మన్ పెరికె వరప్రసాదరావు డిమాండ్ చేశారు. క్రిస్టియన్ జాయింట్ యాక్షన్ టీం ఆధ్వర్యంలో బిషప్ కారుపాటి శాంతి సాగర్  నివాసమందు జరిగిన పత్రికా సమావేశంలో బిషప్ శాంతి సాగర్  మాట్లాడుతూ ఇప్పటి వరకు  ఏలూరు నగర మేయర్ పదవి. బీసీసీలకు కేటాయించలేదని, క్రిస్టియన్స్ బీసీ  లో భాగమేనని తెలిపారు. ప్రముఖ న్యాయవాది, రిటైర్డ్ ఆర్డి మున్సిపాలిటీ రాజేంద్రప్రసాద్ మాట్లాడుతూ ప్రస్తుతం జరుగుతున్న మున్సిపల్ ఎలక్షన్లో మా సంఖ్య బలాన్ని బట్టి మాకు కార్పొరేటర్ సీట్లు కేటాయించాలని, ఆ దిశగా ఏలూరు ఎమ్మెల్యే తో, ఎంపీ తో ,ప్రతిపక్ష నాయకులతో చర్చలు జరుపుతామని తెలిపారు. డాక్టర్ పొలిమేర హరికృష్ణ ఎంఆర్పిఎస్ రాష్ట్ర ప్రధాన కార్యదర్శి మాట్లాడుతూ రానున్న రోజులలో వేల మందితో ఎస్సీ క్రైస్తవులు, ఎస్సీలతో పెద్ద సభ నిర్వహిస్తామని తెలిపారు .పాస్టర్ తేళ్ల శ్యాంబాబు మాట్లాడుతూ అన్ని పార్టీలు క్రైస్తవ నాయకులని, క్రైస్తవులను గుర్తించాలని కోరారు.