భగవద్గీతతో జీవిత సత్యాలను తెలుసుకోవాలి..

అనంతపురం ప్రతినిధి మేజర్ న్యూస్:-ప్రతి ఒక్కరూ భగవద్గీతను చదివి జీవిత సత్యాలను తెలుసుకోవాలని నిత్యసురభి చారిటబుల్ ట్రస్ట్, పుట్టినిల్లు ఆశ్రమం చైర్‌పర్సన్ డాక్టర్ ఎస్. నిర్మలమురళి సూచించారు. భగవద్గీతను రెండోసారి చదివి పూర్తి చేసిన సందర్భంగా, దీపావళి పండుగను పురస్కరించుకుని కోవూరు నగర్‌లోని ఏయిమ్ ఫర్ సేవ శ్రీ స్వామి దయానంద సరస్వతి ఆశ్రమంలో విద్యార్థులకు అన్నదానం, అవగాహన కార్యక్రమం నిర్వహించారు.
ఈ సందర్భంగా నిర్మలమురళి మాట్లాడుతూ.. భగవద్గీతలో మానవ జీవితానికి సంబంధించిన ఎన్నో సత్యాలు, విలువలు ఉన్నాయని తెలిపారు. విద్యార్థి దశ నుంచే భగవద్గీతను చదివి అందులోని మంచి విషయాలను ఆచరణలో పెట్టాలని కోరారు. భగవద్గీత పఠనం ఎంతోమంది జీవితాల్లో సానుకూల మార్పులకు కారణమైందన్నారు..కార్యక్రమంలో స్వామి సత్యాత్మనంద, మేనేజర్ చక్రపాణి తదితరులు పాల్గొన్నారు.

 మల్లికార్జున, నేటి దినపత్రిక సూర్య స్టాఫ్ రిపోర్టర్