భారీ మెజారిటీతో శివడవలస టిడిపి ఎంపీటీసీ గెలుపు:

బొబ్బిలి, సూర్య : మండలం లోని శివడవలస ఎంపిటిసి స్థానాన్ని టీడీపీ అభ్యర్థి చప్ప సత్యరావు భారీ మెజారిటీతో విజయం సాధించారు. బొబ్బిలి మండలం శివడవలస గ్రామ ఎంపీటీసీ ఎన్నికల్లో తెలుగుదేశం పార్టీ ఘన విజయం సాధించింది. బొబ్బిలి నియోజకవర్గ శాసనసభ్యులు ఎమ్మెల్యే బేబీ నాయన, శ్రీ చప్ప రామస్వామి నాయుడు టీడీపీ తరపున బరిలోకి దిగిన ఎంపీటీసీ అభ్యర్థి చప్ప సత్యరావు తన ప్రత్యర్థిపై భారీ మెజారిటీతో ఘన విజయం సాధించి విజయఢంకా మోగించారు. తాను సాధించిన ఈ అఖండ విజయం అనంతరం చప్ప సత్యరావు శివడవలస గ్రామంలో విస్తృతంగా పర్యటించారు. ఎన్నికల్లో తనను నమ్మి,భారీ మెజారిటీతో గెలిపించినందుకు గ్రామంలోని ప్రతి వీధిని సందర్శిస్తూ ఓటర్లకు, ప్రజలకు పేరుపేరున నమస్కరిస్తూ ప్రత్యేక కృతజ్ఞతలు తెలియజేశారు.గ్రామాభివృద్ధికి నిరంతరం కృషి చేస్తానని ఈ సందర్భంగా ఆయన ప్రజలకు హామీ ఇచ్చారు. అనంతరం చప్ప సత్యరావు నివాసం వద్ద విజయోత్సవ సభను ఘనంగా నిర్వహించారు. ఈ సభకు పార్టీ నాయకులు, కార్యకర్తలు,మరియు గ్రామ ప్రజలు భారీ సంఖ్యలో తరలివచ్చారు.  చప్ప సత్యరావు ఘన విజయం సాధించడంతో నాయకులు,కార్యకర్తలు పూలమాలలు వేసి, శాలువాలతో సత్కరించి సంబరాలు చేసుకున్నారు.ఈ కార్యక్రమంలో శoబoగి శ్రీను ,మాజీ ఎంపీటీసీ శoబoగి సీతం నాయుడు, మాజీ 10వ ,మెంబర్ బొద్దాన శ్రీనివాస్, నాయకులు, కార్యకర్తలు పెద్ద సంఖ్యలో పాల్గొన్నారు.