జెడ్పీటీసీ గా ' వలిరెడ్డి' గెలుపు

చీపురుపల్లి, సూర్య : మండలంలో శుక్రవారం జరిగిన జడ్పీటీసీ, ఎంపీటీసీ స్థానాల  ఎన్నికల ఓట్ల లెక్కింపులో టీడీపీ, జనసేన అభ్యర్థులు విజయఢంకా మోగించారు.  గరివిడి ఎస్ డిఎస్ కళాశాలలో  ఓట్ల లెక్కింపు నిర్వహించారు. మండలంలో 49,469 మంది ఓటర్లకు గాను  38,218 మంది ఓటర్లు ఓటు హక్కును వినియోగించుకున్నారు. ఒక జెడ్పీటీసీ స్థానానికి ముగ్గురు అభ్యర్థులు  టీడీపీ నుంచి వలిరెడ్డి శ్రీనివాస నాయుడు (19,183), వైసీపీ నుంచి బెల్లాన వంశీకృష్ణ (17,506), కాంగ్రెస్ పార్టీ నుంచి నాగులపల్లి పైడిరాజు (147) పోటీలో ఉన్నారు. టీడీపీ అభ్యర్థి వలిరెడ్డి శ్రీనివాస నాయుడు సమీప వైసీపీ అభ్యర్థి బెల్లాన వంశీ కృష్ణ పై 1,587 ఓట్ల ఆధిక్యంతో గెలుపొందారు. మండలంలో 18 ఎంపీటీసీ స్థానాలకు 40 మంది అభ్యర్థులు టీడీపీ, జనసేన,  వైసీపీ, స్వతంత్ర అభ్యర్థులు   పోటీలో ఉండగా టీడీపీ నుంచి 12 స్థానాలు, జనసేన రెండు స్థానాలు గెలుపొందగా వైసీపీ నాలుగు స్థానాల్లో విజయం సాధించింది. చీపురుపల్లి 1 అభ్యర్థిగా ఇజ్జిరోతు నిహారిక (టీడీపీ), వైసీపీ అభ్యర్థి మహంతి లక్ష్మీ పై 104 ఓట్లు ఆధిక్యంతో గెలుపొందారు, చీపురుపల్లి 2 రేగాన శాంతి ప్రియ (టీడీపీ),  అడ్డూరి కృష్ణారావు (వైసీపీ)పై 198 ఓట్ల ఆధిక్యం, చీపురుపల్లి 3 మీసాల కాశీ విశ్వేశ్వరరావు (టీడీపీ), ముల్లు పైడిరాజు (వైసీపీ)పై 43 ఓట్లు ఆధిక్యం,  చీపురుపల్లి 4 నుంచి గవిడి నాగరాజు (టీడీపీ), ఇప్పిలి అనంతం (వైసీపీ)పై 219 మెజారిటీతో గెలుపొందారు.  చీపురుపల్లి 5 వంగపల్లి పేటలో వెంపడాపు హైమవతి (టీడీపీ), వెంపడాపు వెంకటరత్నం (వైసీపీ)పై 403 మెజారిటీ, చీపురుపల్లి 6 నుంచి కోట్ల కృష్ణ (జనసేన), కోసిరెడ్డి రమణ (వైసీపీ) పై 74 ఓట్లు ఆధిక్యం, రామలింగాపురం సారిక రామారావు (టీడీపీ) పై ఇప్పిలి వెంకట నర్సమ్మ (వైసీపీ) 33 ఓట్ల ఆధిక్యం, కర్లం నుంచి బాణాన రమణ (వైసీపీ)పై పొన్నాడ మహేశ్వరరావు (టీడీపీ) 360 ఓట్ల ఆధిక్యంతో గెలుపొందారు. పేరిపి లో కోరాడ కోటేశ్వరరావు (టీడీపీ)పై లెంక రాజారావు (వైసీపీ) 60 ఓట్ల ఆధిక్యం, కరకాం నుంచి దన్నాన పద్మావతి (టీడీపీ), మీసాల వెంకటరమణ (వైసీపీ)పై 457 ఓట్లు తేడాతో గెలిచారు. నిమ్మలవలసలో పినిపిల్లి సుజాత (టీడీపీ)పై పెంట ముగతమ్మ (వైసీపీ) 47 ఓట్లు, రావివలస నుంచి శనపతి నవ్య (టీడీపీ), కొమ్ము పద్మజ (వైసీపీ)పై 428 ఓట్లు ఆధిక్యం,  ఇటకర్లపల్లి లో పాండ్రంకి కళావతి (టీడీపీ), రెడ్డి శాంతమ్మ (వైసీపీ)పై 199 ఓట్లు ఆధిక్యం, పెదనడిపల్లిలో సప్ప లక్ష్మీ (టీడీపీ), ఇప్పిలి గౌరీదేవి (వైసీపీ)పై 48 ఓట్లు ఆధిక్యం, అలజంగి లో శనపతి శ్రీదేవి (టీడీపీ)పై మీసాల జ్యోతి (వైసీపీ) 231 ఆధిక్యంతో గెలుపొందారు. మెట్టపల్లి లో వెంపడాపు రాజేశ్వరి (టీడీపీ), మీసాల శారద (వైసీపీ)పై 82 ఓట్లు ఆధిక్యం, జనసేన నుంచి పీకే పాలవలస లో బైరెడ్డి మణికంఠ, బైరెడ్డి తవుడమ్మ (వైసీపీ)పై 353 ఓట్లు ఆధిక్యం సాధించారు. గొల్లలములగాంలో చందక దుర్గా భవాని (టీడీపీ), కరిమజ్జి పద్మ (వైసీపీ)పై 146 ఓట్లు ఆధిక్యం సాధించారు.