కావలిలో ఒక రోజు ముందుగానే దీపావళి సందడి..!
కావలి, మేజర్ న్యూస్ : స్థానిక సంస్థల ఎన్నికల్లో కూటమి పార్టీల అభ్యర్థులు విజయం సాధించడంతో కావలి నియోజకవర్గంలో విజయోత్సాహం వెల్లివిరిసింది. ఈ నేపథ్యంలో విజయం సాధించిన అభ్యర్థులు తమ గ్రామాల ప్రజలు, కూటమి నాయకులు, కార్యకర్తలతో కలిసి కావలి ఎమ్మెల్యే కావ్య క్రిష్ణారెడ్డి ని ఆయన కార్యాలయంలో మర్యాదపూర్వకంగా కలిశారు. విజేతలు, వారి అనుచరులు పెద్ద సంఖ్యలో తరలిరావడంతో ఎమ్మెల్యే కార్యాలయం సందడిగా మారింది. పరస్పర అభినందనలు, ఆనందోత్సాహాల మధ్య అక్కడ పండుగ వాతావరణం నెలకొంది. ఎన్నికల విజయాన్ని పురస్కరించుకుని నిర్వహించిన ఈ సందడి చూస్తుంటే కావలిలో దీపావళి ఒక రోజు ముందుగానే వచ్చినట్లుగా కనిపించింది. ఈ సందర్భంగా ఎమ్మెల్యే కావ్య క్రిష్ణారెడ్డి విజయం సాధించిన అభ్యర్థులకు హృదయపూర్వక శుభాకాంక్షలు తెలియజేశారు. ప్రజలు తమపై ఉంచిన విశ్వాసానికి అనుగుణంగా పనిచేస్తూ, గ్రామాల అభివృద్ధికి అంకితభావంతో కృషి చేయాలని సూచించారు. స్థానిక సంస్థల ఎన్నికల విజయంతో కూటమి శ్రేణుల్లో నెలకొన్న ఉత్సాహం ఎమ్మెల్యే కార్యాలయం వద్ద కనిపించగా, కావలిలో ముందస్తు దీపావళి సంబరాల వాతావరణం నెలకొంది.
