నెల్లూరు రూరల్ మండలంలో అన్ని ఎంపీటీసీ స్థానాల్లో టీడీపీ ప్రభంజనం

నెల్లూరు రూరల్ మేజర్ న్యూస్ : నెల్లూరు రూరల్ మండలంలో జరిగిన ఎంపీటీసీ, జడ్పిటిసి ఎన్నికల్లో తెలుగుదేశం పార్టీ ఘనవిజయం సాధించింది. మండలంలోని మొత్తం 12 ఎంపీటీసీ స్థానాలకు గాను పెనుబర్తి ఎంపీటీసీ స్థానం ఏకగ్రీవం కావడంతో మిగిలిన 11 స్థానాలకు ఎన్నికలు నిర్వహించారు. ఈ ఎన్నికల్లో పోటీ చేసిన మొత్తం 11 స్థానాల్లోనూ తెలుగుదేశం పార్టీ అభ్యర్థులు విజయం సాధించి మండలంలో క్లీన్ స్వీప్ చేశారు.ముఖ్యంగా పొట్టేపాలెం, దేవరపాలెం, కాకుపల్లి, ఆమంచర్ల బిట్-1, ఆమంచర్ల బిట్-2, కందమూరు, వెల్లంటి, గొల్లకందుకూరు ఎంపీటీసీ స్థానాల్లో టీడీపీ అభ్యర్థులు అత్యధిక మెజారిటీతో విజయకేతనం ఎగురవేశారు. ఆయా గ్రామాల్లో ఓటర్లు తెలుగుదేశం పార్టీకి విశేష మద్దతు పలకడంతో ప్రత్యర్థి అభ్యర్థులపై స్పష్టమైన ఆధిక్యాన్ని సాధించారు.అదేవిధంగా సౌత్ మోపూరు, ములుమూడి, దొంతాలి ఎంపీటీసీ స్థానాల్లో మాత్రం గట్టి పోటీ నెలకొంది. ఈ రెండు స్థానాల్లో సీపీఎం, సీపీఐ బలపరిచిన వైఎస్సార్ కాంగ్రెస్ పార్టీ అభ్యర్థులపై తెలుగుదేశం పార్టీ అభ్యర్థులు అతి స్వల్ప మెజారిటీతో విజయం సాధించారు. చివరి వరకు ఉత్కంఠభరితంగా సాగిన ఈ స్థానాల్లో కూడా టీడీపీ అభ్యర్థులే విజయం సాధించడం పార్టీ శ్రేణుల్లో మరింత ఉత్సాహాన్ని నింపింది.ఈ విజయంతో నెల్లూరు రూరల్ మండలంలో తెలుగుదేశం పార్టీ తన రాజకీయ ఆధిపత్యాన్ని చాటుకుంది. మొత్తం 12 ఎంపీటీసీ స్థానాల్లోనూ టీడీపీ అభ్యర్థులు విజయం సాధించడంతో పార్టీ నాయకులు, కార్యకర్తలు సంబరాలు చేసుకున్నారు.ఈ ఘనవిజయం నెల్లూరు రూరల్ నియోజకవర్గ శాసనసభ్యులు కోటంరెడ్డి శ్రీధర్ రెడ్డి అందించిన సహాయ సహకారాలు, తెలుగుదేశం పార్టీ రాష్ట్ర అధికార ప్రతినిధి కోటంరెడ్డి గిరిధర్ రెడ్డి అందించిన మార్గదర్శకత్వం, పార్టీ నాయకులు, కార్యకర్తల సమష్టి కృషి ఫలితమని గెలుపొందిన ఎంపీటీసీ అభ్యర్థులు పేర్కొన్నారు.మండలంలోని అన్ని ఎంపీటీసీ స్థానాలను కైవసం చేసుకోవడం తమపై ప్రజలు ఉంచిన నమ్మకానికి నిదర్శనమని, రానున్న రోజుల్లో గ్రామాల అభివృద్ధికి మరింత కృషి చేస్తామని విజయం సాధించిన అభ్యర్థులు తెలిపారు.