బాడంగి సీహెచ్‌సీ ఇన్‌ఛార్జిగా డాక్టర్ శ్రీకాంత్

బాడంగి, సూర్య : బాడంగి సామాజిక ఆరోగ్య కేంద్రం (సీహెచ్‌సీ) ఇన్‌ఛార్జి బాధ్యతలను వైద్యుడు డాక్టర్ టి.శ్రీకాంత్‌కు అప్పగించారు. గత మూడేళ్లుగా ఇదే ఆసుపత్రిలో మత్తు వైద్య నిపుణుడిగా ఆయన విశేష సేవలందిస్తున్నారు. ఈ సందర్భంగా డాక్టర్ శ్రీకాంత్ మాట్లాడుతూ, తనకు అప్పగించిన బాధ్యతలను సమర్థవంతంగా నిర్వహించేందుకు కృషి చేస్తానని తెలిపారు. ఆసుపత్రిలోని వైద్యులు, వైద్య సిబ్బందితో సమన్వయం చేసుకుంటూ, రోగులకు నాణ్యమైన వైద్య సేవలు అందించడమే తన ప్రధాన లక్ష్యమని పేర్కొన్నారు. ఆసుపత్రికి వచ్చే ప్రతి రోగికి మెరుగైన వైద్యం అందేలా బాధ్యతాయుతంగా వ్యవహరిస్తానని స్పష్టం చేశారు.