అసెంబ్లీ కో-ఆర్డినేషన్ కమిటీ సభ్యునిగా వంగలపూడి మధుబాబు నియామకం!

ఎస్.రాయవరం, అక్టోబర్ 10, మేజర్ న్యూస్:
పాయకరావుపేట అసెంబ్లీ నియోజకవర్గ స్థానిక సంస్థల ఎన్నికల కో-ఆర్డినేషన్ కమిటీ సభ్యునిగా ఎస్.రాయవరం మండల జనసేన పార్టీ ప్రధాన కార్యదర్శి వంగలపూడి మధుబాబు నియమితులయ్యారు. ఈ సందర్భంగా శనివారం  నాడాయన పత్రికల వారితో మాట్లాడుతూ, తనను ఈ పదవికి నియమించిన జనసేన పార్టీకి, పార్టీ అధినేత, రాష్ట్ర ఉప ముఖ్యమంత్రి కొణిదెల పవన్ కళ్యాణ్ కి, తన రాజకీయ గురువు, తనను ఎల్లప్పుడూ ప్రోత్సహిస్తూ వెన్నంటి వుండే పాయకరావుపేట నియోజకవర్గ ఇంచార్జ్ గెడ్డం బుజ్జి కి ప్రత్యేక ధన్యవాదాలు, కృతజ్ఞతలు తెలిపారు. ఎస్.రాయవరం మండలానికి జడ్పీటీసీ గా విశేష సేవలందించిన తన మాతృమూర్తి వంగలపూడి సత్యవతి రాజకీయ వారసత్వాన్ని అందిపుచ్చుకున్న మధుబాబు జనసేన పార్టీలో సామాన్య కార్యకర్తగా వుంటూ మండలంలోని కొరుప్రోలు గ్రామంలో పార్టీ వ్యవస్థాపక అధ్యక్షునిగా, మండల పార్టీ ప్రధాన కార్యదర్శిగా ఎదిగారు. ప్రస్తుతం, పార్టీలో ఎంతో ప్రాధాన్యత గల శాసనసభ నియోజకవర్గం ఎన్నికల కోఆర్డినేషన్ కమిటీలో పదవినిచ్చి పార్టీ తనపై ఉంచిన నమ్మకాన్ని నెలబెడతానన్నారు. రాబోయే స్థానిక ఎన్నికల్లో జనసేన పార్టీ విజయం కోసం కృషి చేస్తానని మధుబాబు వెల్లడించారు.
ఈ నియామకం పట్ల ఎస్.రాయవరం మండల జనసైనికులు, నాయకులు హర్షం వ్యక్తం చేస్తూ మధుబాబుకు అభినందనలు తెలిపారు.