andhrapradesh
‘అర్నబ్’ తుఫాన్ నష్టాన్ని సకాలంలో నివారించగలిగాం
అమరావతి:‘అర్నబ్’ తుఫాన్ తీవ్రత నుంచి ముందస్తు చర్యల వల్ల భారీగా ప్రాణ, ఆస్తి నష్టాలను సాధ్యమైనంత వరకు నివారించగలిగామని ముఖ్యమంత్రి నారా చంద్రబాబు నాయుడు వెల్లడించారు. అధునాతన సాంకేతిక పరిజ్ఞానాన్ని ఉపయోగించి తీరప్రాంత ప్రజలను ఎప్పటికప్పుడు అప్రమత్తం చేశామని, లోతట్టు ప్రాంతాల ప్రజలను సకాలంలో సురక్షిత ప్రాంతాలకు తరలించినట్లు తెలిపారు.
పునరావాస కేంద్రాల్లో ఆశ్రయం పొందుతున్న బాధితులకు ఎలాంటి ఇబ్బందులు కలగకుండా అన్ని సదుపాయాలు కల్పించామని పేర్కొన్నారు. తుఫాన్ ధాటికి రాష్ట్రంలో విద్యుత్ వ్యవస్థ చిన్నాభిన్నమైందని, సమర్థవంతమైన ముందస్తు జాగ్రత్తల వల్లే పెద్ద ఎత్తున జరగాల్సిన నష్టాన్ని అరికట్టగలిగామని సీఎం వివరించారు. పునరుద్ధరణ చర్యలను యుద్ధప్రాతిపదికన చేపట్టాలని అధికారులను ఆదేశించారు.
