అఫిలియేషన్ విదివిధానాలపై కమిటీ -సమగ్ర అధ్యయన కమిటీలో ఎస్వీయూ రిజిస్ట్రార్ కు చోటు

ఎడ్యుకేషన్ స్టాఫ్ రిపోర్టర్ : విశ్వవిద్యాలయాల పరిధిలోని కళాశాలల అనుమతులు, గుర్తింపు పునరుద్ధరణపై ప్రస్తుతం ఉన్న విధివిధానాలు గందరగోళం ఉన్నాయని, వీటిపై సమగ్ర అధ్యయనం చేసి నూతన విధివిధానాలను సూచించాలని కమిషనర్ ఆఫ్ హైయ్యర్ ఎడ్యుకేషన్ నూతన కమిటీని నియమిస్తూ సోమవారం ఉత్తర్వులు జారీ చేసింది. ఈ కమిటీలో ఉన్నత విద్యామండలి ఛైర్మన్న కమిటీ ఛైర్పర్సన్గా, హైయ్యర్ ఎడ్యుకేషన్ కమిషనర్ను మెంబర్ కన్వినర్, మరో ఆరుగురు పలు వర్సిటీల వీసీలు, రిజిస్ట్రార్లను సభ్యులుగా నియమించింది.

కమిటీ సభ్యులుగా ఎస్వియూ రిజిస్టర్

ఇందులో ఎస్వీయూ రిజిస్ట్రార్ భూపతినాయుడు కమిటీ సభ్యులుగా నియమితులయ్యారు. ప్రస్తుతం వివిధ విశ్వవిద్యాలయాల్లో కళాశాలల అనుబంధ గుర్తింపు నిబంధనలు, గుర్తింపు కాలపరిమితి, తనిఖీలు, ఫీజులు, విద్యా క్యాలెండర్ వంటి అంశాల్లో వ్యత్యాసాలు ఉన్నాయని, ఈ సమస్యలను పరిష్కరించేందుకు రాష్ట్రవ్యాప్తంగా అన్ని విశ్వవిద్యాలయాలకు వర్తించేలా ఉమ్మడి విధానాన్ని రూపొందించాలని కమిటీకి ప్రభుత్వం సూచించింది. ఈ కమిటీ డిగ్రీ, పీజీ, బి. ఎడ్, లా, సాంకేతిక కళాశాలలకు సంబంధించిన గుర్తింపు నిబంధనలను పరిశీలించడంతో పాటు, ఆన్లైన్ ధ్రువీకరణ, తనిఖీల విధానం, ఉమ్మడి ఫీజుల విధానం, కళాశాలల గుర్తింపు రద్దు లేదా ఉపసంహరణ సందర్భాల్లో విద్యార్థుల భవిష్యత్తుకు రక్షణ కల్పించే చర్యలపై నెల రోజులలో సిఫార్సులను కమిటీ ప్రభుత్వానికి సమర్పించాల్సి ఉంటుంది

సీఎం గౌడ్ తిరుపతి స్టాప్ రిపోర్టర్