ఆంగ్లేయుల వెన్నుల్లో వణుకు పుట్టించిన యోధుడు వడ్డె ఓబన్న

- ఐపిసిపి జాతీయ ప్రధాన కార్యదర్శి ఓర్సు వీరభాస్కర్ ప్రశంసలు 
మదనపల్లె : రేనాటి వీరుడు,స్వాతంత్ర్య సమరయోధుడు,ధైర్యసాహసాలకు ప్రతీక వడ్డె ఓబన్న వర్ధంతిని మంగళవారం ఇండియన్ ప్రజా కాంగ్రెస్ పార్టీ చేనేత ఓబిసి ఛైర్మన్,జాతీయ ప్రధాన కార్యదర్శి ఓర్సు వీరభాస్కర్ ఆధ్వర్యంలో పట్టణంలో రింగ్ రోడ్డు కూడలిలో ఘనంగా జరుపుకున్నారు.ఇందులో భాగంగా వడ్డే ఓబన్న చిత్రపటానికి పూలమాలలు వేసి ఘనంగా నివాళులర్పించారు.ఈ సందర్భంగా ఓర్సు వీరభాస్కర్ మాట్లాడుతూ బ్రిటిష్ ఈస్ట్ ఇండియా కంపెనీ పాలనకు వ్యతిరేకంగా ఉయ్యాలవాడ నరసింహారెడ్డి నాయకత్వంలో జరిగిన సాయుధ పోరాటంలో వడ్డె ఓబన్న కీలక పాత్ర పోషించారు.వడ్డెరలు,బోయలు,చెంచులతో కూడిన పోరాట బృందాలను సమన్వయం చేస్తూ బ్రిటిష్ బలగాలకు వ్యతిరేకంగా గెరిల్లా పద్ధతిలో ధైర్యంగా పోరాడారని కొనియాడారు.1846లో కోవెలకుంట్ల సబ్‌ ట్రెజరీపై జరిగిన దాడి సహా అనేక పోరాటాల్లో ఆయన తన వీరత్వాన్ని చాటుకున్నారన్నారు.చివరకు 1846 అక్టోబర్ 6న జగన్నాథకొండ వద్ద జరిగిన పోరాటంలో వీరమరణం పొందారన్నారు.వడ్డె ఓబన్న త్యాగం కేవలం వడ్డెర సమాజానికే కాదు,తెలుగు ప్రజలందరికీ గర్వకారణమన్నారు.ఆయన ధైర్యం,ఆత్మగౌరవం,దేశం కోసం చేసిన త్యాగం నేటి యువతకు స్ఫూర్తిగా నిలవాలన్నారు.అణచివేతకు తలవంచకుండా స్వేచ్ఛ కోసం పోరాడిన మహావీరుడు వడ్డె ఓబన్న అని,ఆయన చరిత్రను ప్రతి ఒక్కరికీ తెలియజేయడం మన బాధ్యత అన్నారు.ఆయన ఆశయాలు,పోరాట స్ఫూర్తిని నేటి తరానికి అందించాలన్నారు.వడ్డె ఓబన్న ఆశయసాధనకు కృషి చేద్దామని ఆయన పిలుపునిచ్చారు.ఈ కార్యక్రమంలో వడ్డెర సంక్షేమ సంఘం జిల్లా వర్కింగ్ ప్రెసిడెంట్ రాయచోటి వెంకటసుబ్బయ్య,జిల్లా గౌరవ అధ్యక్షులు గొడ్డెల్లా రమణయ్య(వార్త),జిల్లా వడ్డెర సంక్షేమ సంఘం జిల్లా యువత అధ్యక్షులు నంద్యాల నాగరాజు,వడ్డెర సంక్షేమ సంఘం జిల్లా గౌరవ సలహాదారు బత్తుల పవన్,మాజీ అధ్యక్షులు ఇరగదిడ్ల గురుప్రసాద్,వడ్డెర సంక్షేమ సంఘం జిల్లా నాయకులు చల్లా మధు,మంజుల రామక్రిష్ణ,బత్తుల గోపి,ఆర్.రచయ్య,తమ్మిశెట్టి వేణు,అల్లం రమణ,రంగనాయకులు,డేరంగుల లక్ష్మినారాయణ,కొర్రపొతుల వాసు,వేముల వెంకటసుబ్బయ్య,గొడ్డెల్ల ఆంజనేయులు,తమ్మిశెట్టి సుబ్బయ్య,తమ్మిశెట్టి సుబ్బారాయుడు,తమ్మిశెట్టి వెంకటసుబ్బయ్య తదితరులు పాల్గొన్నారు.