ఆంధ్ర విశ్వవిద్యాలయంలో విజిలెన్స్ అవగాహన వారోత్సవాలు

విశాఖ ఎడ్యుకేషన్, సూర్య : కేంద్ర విజిలెన్స్ కమిషన్ పిలుపు మేరకు దేశవ్యాప్తంగా అన్ని ప్రభుత్వ విశ్వవిద్యాలయాలు, కేంద్ర మరియు రాష్ట్ర ప్రభుత్వ కార్యాలయాల్లో 2026 అక్టోబర్ 26వ తేదీ నుంచి విజిలెన్స్ అవగాహన వారోత్సవాలు నిర్వహిస్తున్నారు. ఈ సందర్భంగా ఆంధ్ర విశ్వవిద్యాలయంలో అక్టోబర్ 26వ తేదీన ప్రధాన పరిపాలన భవనం    కార్యాలయం వద్ద  ఉపకులపతి  ఆచార్య జి పి రాజశేఖర్  విజిలెన్స్ అవగాహన వారోత్సవాలను ప్రారంభించారు. ఈ సందర్భంగా నేడు  కెమిస్ట్రీ విభాగంలో ఏర్పాటుచేసిన కార్యక్రమానికి ముఖ్య అతిధిగా  ఉపకులపతి ఆచార్య జి పి రాజశేఖర్ పాల్గొని  విజిలెన్స్  ప్రతిజ్ఞ కార్యక్రమాన్ని నిర్వహించి, అందరితో  ప్రతిజ్ఞ చేయించారు. అనంతరం మాట్లాడుతూ, ప్రతి ఒక్కరూ తమ విధులను నిజాయితీ, నిబద్ధత, పారదర్శకతతో నిర్వహించాలని, అవినీతి రహిత సమాజ నిర్మాణానికి బాధ్యతాయుతంగా కృషి చేయాలని పిలుపునిచ్చారు. ఈ వారోత్సవాల్లో భాగంగా విశ్వవిద్యాలయ పరిధిలోని వివిధ విభాగాలు, అనుబంధ కళాశాలల్లో పనిచేస్తున్న సహాయక సిబ్బందికి విజిలెన్స్, అవినీతి నిరోధక చర్యలు, పారదర్శకత మరియు నైతిక విలువలపై అవగాహన, చైతన్య కార్యక్రమాలు నిర్వహిస్తున్నారు.