andhrapradesh
అల్లూరి జిల్లాలో ఘోర పేలుడు.. 7గురు మృతి
అల్లూరి జిల్లా అనంతగిరి మండలం పినకోట వద్ద ఉన్న మైనింగ్ ప్రాంతంలో జరిగిన ఘోర పేలుడు ప్రమాదంలో మొత్తం ఏడుగురు మృతి చెందారు. మైనింగ్ ప్రాంతంలో బొలెరో వాహనం నుంచి డీజిల్‌ను టిప్పర్‌లో నింపుతుండగా ఈ ప్రమాదం చోటుచేసుకుంది.
అదే సమయంలో బొలెరో వాహనంలో ఉన్న జిలెటిన్ స్టిక్స్‌కు మంటలు అంటుకోవడంతో ఒక్కసారిగా భారీ పేలుడు సంభవించింది. ఈ ప్రమాదంలో ఐదుగురు వ్యక్తులు అక్కడికక్కడే ప్రాణాలు కోల్పోగా, తీవ్రంగా గాయపడి ఆసుపత్రిలో చికిత్స పొందుతున్న మరో ఇద్దరు మృతి చెందారు. దీంతో ఈ ఘటనలో మొత్తం మృతుల సంఖ్య ఏడుకి చేరింది.
