ఆరోగ్యవంతమైన సమాజంలో వైద్యులు భాగం కావాలి

 - ఏపీ ఆర్ ఎస్ ఎస్ డి ఐ వర్క్ షాపులో ఎమ్మెల్యే దామచర్ల విజ్ఞప్తి.

ఒంగోలు, మేజర్ న్యూస్  :

:ఆరోగ్యవంతమైన సమాజం కోసం వైద్యులు తమ వంతు సహకారం అందించాలని ఒంగోలు శాసనసభ్యులు దామచర్ల జనార్దన్ రావు కోరారు. ఏ పి ఆర్ ఎస్ ఎస్ డి ఐ  - 2026 కాన్ఫరెన్స్ లో ఎమ్మెల్యే విశిష్ట అతిథిగా పాల్గొని ప్రసంగించారు. సమాజంలో వైద్యులకు ఎంతో విలువ, గౌరవం ఉన్నాయన్నారు. మీరు అందించే సూచనలు క్షేత్ర స్థాయిలోకి వెళితే ప్రతి ఒక్కరూ ఆరోగ్యవంతంగా ఉంటారన్నారు. 90 ఏళ్లు దాటిన వారిలో డయాబెటిస్, బిపి వంటివి లేకుండా ఆరోగ్యంగా ఉంటున్నారని,  ప్రస్తుత కాలంలో 15 ఏళ్ల పిల్లల్లో కూడా డయాబెటిస్ ఉంటుందన్నారు. ఇలాంటి సెమినార్ ల ద్వారా చిన్న వయస్సులో వచ్చే దీర్ఘకాలిక సమస్యలను నిలువరించేందుకు చర్చించి ఆ దిశగా చర్యలు తీసుకోవాలని దామచర్ల జనార్దన్ రావు సూచించారు.

జిల్లా వైద్య ఆరోగ్యశాఖ అధికారి వెంకటేశ్వర్లు మాట్లాడుతూ ఎన్ సి డి సి డి కార్యక్రమంలో భాగంగా ప్రతి ఇంటికి తమ వైద్య బృందాలు వెళ్ళి బిపి, షుగర్, క్యాన్సర్ నిర్ధారణ పరీక్షలు చేస్తున్నట్లు చెప్పారు. వైద్యం ఒక్కటే కాకుండా ఆహార అలవాట్లు, వ్యాయామం చేయడం ద్వారా కొన్ని రకాల వ్యాధులకు దూరంగా ఉండే అవకాశం ఉంటుందన్నారు. 

ఆర్గనైజింగ్ సెక్రటరీ డాక్టర్ కామేపల్లి సీతారామయ్య మాట్లాడుతూ ఒంగోలులో ఆర్ ఎస్ ఎస్ డి ఐ ద్వారా మంచి వర్క్ షాప్ జరిగినట్లు చెప్పారు. ఆంధ్రప్రదేశ్, హైదరాబాద్, చెన్నై, బెంగుళూరు నుండి ఎంతో అనుభవం కలిగిన వైద్యులు పాల్గొని విలువైన సూచనలు చేశారన్నారు. ప్రతి ఒక్కరూ ఆర్ ఎస్ ఎస్ డి ఎస్ లో మెంబర్ షిప్ తీసుకోవాలని కోరారు.

ఈ కార్యక్రమంలో ఏ పీ ఆర్ ఎస్ ఎస్ డి ఎస్ ప్రెసిడెంట్ వెంకటరమణరెడ్డి, ఆల్ ఇండియా ఈ సి మెంబర్ విజయ్ కుమార్, ఏపీ ఏం సి వైస్ ఛైర్మన్ సుబ్బానాయుడు,  అబ్జర్వర్ జయశేఖర్ తదితరులు పాల్గొన్నారు.