యాలాలలో ఘనంగా సీఎం రేవంత్ రెడ్డి జన్మదిన వేడుకలు

యాలాల, మేజర్ న్యూస్:తెలంగాణ రాష్ట్ర ముఖ్యమంత్రి ఎనుముల రేవంత్ రెడ్డి జన్మదిన వేడుకలను యాలాలలో కాంగ్రెస్ నాయకులు, కార్యకర్తలు, అభిమానుల సమక్షంలో అట్టహాసంగా నిర్వహించారు. యాలాల పీఏసీఎస్ చైర్మన్ చెన్నారం భీమ్‌శెట్టి అనిల్ కుమార్ గుప్తా, కాంగ్రెస్ పార్టీ మండల అధ్యక్షుడు మహిపాల్ ఆధ్వర్యంలో యాలాలలోని చెన్నారం అనిల్ కుమార్ గార్డెన్‌లో ఆదివారం నిర్వహించిన ఈ వేడుకలకు కాంగ్రెస్ శ్రేణులు భారీ సంఖ్యలో తరలివచ్చారు. ఈ సందర్భంగా నాయకులు కేక్ కట్ చేసి, స్వీట్లు పంపిణీ చేస్తూ ముఖ్యమంత్రి రేవంత్ రెడ్డికి జన్మదిన శుభాకాంక్షలు తెలిపారు. కాంగ్రెస్ కార్యకర్తల కోలాహలం, నినాదాల మధ్య వేడుకలు ఉత్సాహభరితంగా సాగాయి.అనంతరం నాయకులు మాట్లాడుతూ.. ముఖ్యమంత్రి రేవంత్ రెడ్డి నిండు నూరేళ్లు ఆయురారోగ్యాలతో, సుఖసంతోషాలతో జీవించాలని ఆకాంక్షించారు. ఆయన నాయకత్వంలో తెలంగాణ రాష్ట్రం అన్ని రంగాల్లో అభివృద్ధి సాధిస్తూ మరింత ముందుకు సాగాలని, ప్రజా సంక్షేమమే ధ్యేయంగా ప్రభుత్వం మరిన్ని అభివృద్ధి, సంక్షేమ కార్యక్రమాలను విజయవంతంగా అమలు చేయాలని కోరుకున్నారు.ఈ కార్యక్రమంలో కాంగ్రెస్ పార్టీ డీసీసీ అధ్యక్షుడు జాదవ్ ధారాసింగ్, ఎల్మ కన్య జనార్దన్ రెడ్డి, మండల కాంగ్రెస్ అధ్యక్షుడు మహిపాల్, యువజన కాంగ్రెస్ అధ్యక్షుడు అగ్గనూర్ వీరేశం, కాంగ్రెస్ సీనియర్ నాయకులు, కార్యకర్తలు, అభిమానులు తదితరులు పాల్గొన్నారు.