వినాయక్ నగర్ డివిజన్ లో సమస్యలను పరిష్కరించాలి *ప్రజావాణిలో..మాజీ కార్పొరేటర్ క్యానం రాజ్యలక్ష్మి ఫిర్యాదు

మల్కాజిగిరి, మేజర్ న్యూస్ : వినాయక్ నగర్ డివిజన్ పరిధిలో ప్రజలు ఎదుర్కొం టున్న పలు సమస్యలను పరిష్కరించాలని మాజీ కార్పొరేటర్ క్యానం రాజ్యలక్ష్మి కోరారు. సోమవారం ఆమె,  ప్రజావాణి కార్యక్రమానికి హజరై, మల్కాజిగిరి జోనల్ కమిషనర్‌ సంచత్ గంగ్వార్ కు వినతిపత్రం సమర్పించారు. అనంతరం ఆమె మాట్లాడుతూ, వినాయక్ నగర్ డివిజన్‌లో వీధి దీపాల నిర్వహణ సక్రమంగా లేదని, మరమ్మతులకు గురైన లైట్లను గుర్తించి వాటి స్థానంలో కొత్త లైట్లు ఏర్పాటు చేసేలా తగిన చర్యలు తీసు కోవాలని కోరారు. పారిశుద్ధ్య నిర్వహణపై ప్రత్యేక దృష్టి సారించాలని, రోడ్లపై చెత్త వేస్తున్న వారిని గుర్తించేందుకు సీసీ కెమెరాల ఫుటేజీని పరిశీలించడం లేదా ఇతర పర్య వేక్షణ విధానాలను అమలు చేసి, నిబంధనల ప్రకారం చర్యలు తీసుకోవాలన్నారు. అలాగే దోమల సమస్య తీవ్రంగా ఉందని, దోమల నివారణకు ఫాగింగ్ నిర్వహించడంతో పాటు బండ చెరువును శుభ్రపరిచి నీటి పరిశుభ్ర తకు తగిన చర్యలు తీసుకోవాలని కోరారు. అలాగే, తరుణ ఎన్‌క్లేవ్ కాలనీకి చెందిన ప్రజల సమస్యలను, జోనల్ కమిషనర్ దృష్టికి తీసుకెళ్లారు. జోనల్ కమీషనర్ ఈ ప్రాంతాన్ని పర్యటించి, వరదనీటి నాలాలు, వీధి దీపాలు, రహదారుల నిర్వహణను పరిశీలించి అవసరమైన చర్యలు తీసుకో వాలని ఆమె కోరారు.