వికారాబాద్ జిల్లాలో 20 మండలాలను కరువు ప్రభావిత ప్రాంతాలుగా ప్రకటిస్తూ జీవో జారీ

వికారాబాద్ జిల్లా ప్రతినిధి,మేజర్ న్యూస్: ఖరీఫ్‌–2026 సీజన్‌కు సంబంధించి వికారాబాద్ జిల్లాలోని 20 మండలాలను కరువు ప్రభావిత మండలాలుగా ప్రకటిస్తూ ప్రభుత్వం జీవో జారీ చేసింది. ఇందులో 11 మండలాలను తీవ్ర కరువు ప్రభావిత ప్రాంతాలుగా, మరో 9 మండలాలను మోస్తరు కరువు ప్రభావిత ప్రాంతాలుగా వర్గీకరించినట్లు తెలుస్తోంది.తీవ్ర కరువు ప్రభావిత మండలాల జాబితాలో మర్పల్లి, నవాబుపేట, కుల్కచర్ల, దోమ, బంట్వారం, పెద్దేముల్, తాండూరు, బషీరాబాద్, యాలాల్, కొడంగల్, దౌల్తాబాద్ ఉన్నాయి. మోస్తరు కరువు ప్రభావిత మండలాలుగా మోమిన్‌పేట, వికారాబాద్, పరిగి, ధారూర్, బొంరాస్‌పేట, దుద్యాల, కోట్‌పల్లి, పూడూరు, చౌడాపూర్‌లను పేర్కొంటున్నారు.కరువు ప్రభావంతో వ్యవసాయ రంగం ఇబ్బందులు ఎదుర్కొంటున్న నేపథ్యంలో రైతులకు నిబంధనల ప్రకారం సహాయక చర్యలు చేపట్టడం కీలకంగా మారింది. పంట నష్టాల అంచనా, అర్హులైన రైతులకు పరిహారం, తాగునీటి సరఫరా, పశుగ్రాసం అందుబాటు, ఉపాధి పనుల కల్పన వంటి అంశాలపై ప్రభుత్వం దృష్టి సారించాల్సిన అవసరం ఉంది. అధికారిక జీవోలోని మండలాల జాబితా, కరువు వర్గీకరణ వివరాలను ధ్రువీకరించుకోవాల్సి ఉంది.