శాంతి భద్రతల పరిరక్షణ మా ధ్యేయం.. రూరల్ సీఐ చిరంజీవి

శాంతి భద్రతల పరిరక్షణ మా ధ్యేయం.. రూరల్ సీఐ చిరంజీవి

ఎమ్మిగనూరు, సూర్య ప్రతినిధి రాబోయే స్థానిక సంస్థల ఎన్నికల నేపథ్యంలో శాంతిభద్రతల పరిరక్షణ, నేరాల నియంత్రణే లక్ష్యంగా కర్నూలు జిల్లా ఎస్పీ విక్రాంత్ పాటిల్ ఆదేశాల మేరకు, డీఎస్పీ ఏ. శ్రీనివాసులు పర్యవేక్షణలో మంగళవారం గుడికల్ గ్రామంలో పోలీసులు కార్డన్‌ అండ్‌ సెర్చ్‌ నిర్వహించారు.రూరల్ సీఐ ఎస్. చిరంజీవి, ఎస్‌ఐలు కె. శ్రీనివాసులు, ఎం. తిమ్మారెడ్డి సహా సుమారు 30 మంది పోలీసు సిబ్బంది తనిఖీల్లో పాల్గొన్నారు. గ్రామంలోని అనుమానితుల ఇళ్లను తనిఖీ చేయడంతో పాటు సరైన ధ్రువపత్రాలు, నంబర్ ప్లేట్లు లేని 20 ద్విచక్ర వాహనాలను గుర్తించి పరిశీలించారు. ధ్రువపత్రాలు చూపించిన అనంతరం వాహనాలను యజమానులకు అప్పగించినట్లు పోలీసులు తెలిపారు.ఈ సందర్భంగా సీఐ చిరంజీవి మాట్లాడుతూ, ఎన్నికల సమయంలో అల్లర్లు, గొడవలకు పాల్పడితే కఠిన చర్యలు తీసుకుంటామని హెచ్చరించారు. సోషల్ మీడియాలో రెచ్చగొట్టే పోస్టులు, అసత్య ప్రచారాలకు పాల్పడవద్దని సూచించారు. మద్యం, గంజాయి, పేకాట, మట్కా వంటి చట్టవిరుద్ధ కార్యకలాపాలకు దూరంగా ఉండాలని కోరారు.ఓటర్లు ఎలాంటి భయాందోళనలకు గురికాకుండా స్వేచ్ఛగా ఓటుహక్కును వినియోగించుకునేలా పటిష్ఠ భద్రత కల్పిస్తామని తెలిపారు. ప్రజలు పోలీసులకు సహకరించి ప్రశాంత వాతావరణం నెలకొల్పాలని కోరారు.

A. R. శరత్ కుమార్ సూర్య ప్రతినిధి ఎమ్మిగనూరు, కర్నూలు జిల్లా