విద్యార్థినుల ఆరోగ్యమే ప్రాధాన్యత.. రుతుక్రమ పరిశుభ్రతపై అవగాహనే లక్ష్యం....
నర్సాపూర్ ; నర్సాపూర్ పట్టణంలోని ప్రభుత్వ జూనియర్ కళాశాలలో బుధవారం రాజన్న ఫౌండేషన్ ఆధ్వర్యంలో విద్యార్థినులకు 400 శానిటరీ కిట్లను నర్సాపూర్ నియోజకవర్గ ఇన్చార్జి ఆవుల రాజిరెడ్డి ఫౌండేషన్ వైస్ చైర్పర్సన్ డా. శైలజా రెడ్డి ల చేతుల మీదుగా విద్యార్థినులకు శానిటరీ కిట్లను అందజేశారు.ఈ సందర్భంగా ఆవుల రాజిరెడ్డి మాట్లాడుతూ..మహిళల ఆరోగ్యం, ఆడపిల్లల ఆత్మగౌరవం ప్రతి ఒక్కరికీ ముఖ్యమని, రుతుక్రమం అనేది సహజమైన ప్రక్రియ అని, దానిపై సంకోచం కాకుండా సరైన అవగాహన కలిగి ఉండాలని అన్నారు. విద్యార్థినులు వ్యక్తిగత పరిశుభ్రతకు ప్రాధాన్యతనిస్తూ ఆరోగ్యంగా ఉండాలని విద్యార్థినిలకు సూచించారు. అనంతరం డా. శైలజా రెడ్డి మాట్లాడుతూ.. విద్యార్థినుల్లో రుతుక్రమ పరిశుభ్రతపై అవగాహన పెంపొందించడం, ఆర్థిక పరిస్థితులతో సంబంధం లేకుండా ప్రతి ఒక్కరికీ అవసరమైన పరిశుభ్రత ఉత్పత్తులు అందుబాటులో ఉండేలా చూడటమే ఈ కార్యక్రమం ముఖ్య ఉద్దేశమని తెలిపారు. రుతుక్రమం సిగ్గుపడాల్సిన విషయం కాదు.. ప్రతి బాలిక ఆరోగ్యానికి అవసరమైన సహజ ప్రక్రియ. ప్రతి విద్యార్థినికి ఆరోగ్యం, గౌరవం, ఆత్మవిశ్వాసం అందించడమే మా లక్ష్యం" అని పేర్కొన్నారు. ఈ కార్యక్రమం ద్వారా విద్యార్థినుల్లో ఆరోగ్య అవగాహన పెంపొందించడంతో పాటు మహిళా సాధికారత, సామాజిక బాధ్యత పట్ల రాజన్న ఫౌండేషన్ తన నిబద్ధతను చాటుకుంది.రాజన్న ఫౌండేషన్
సమాజ సేవే లక్ష్యం.. ప్రజా సంక్షేమమే ధ్యేయం. ఈ కార్యక్రమంలో మున్సిపల్ చైర్ పర్సన్ మాచునూరి లక్ష్మీరాజు యాదవ్ కాంగ్రెస్ పార్టీ మండల అధ్యక్షులు గుర్రాల మల్లేశం కౌన్సిలర్లు నరసమ్మ రవి సరిత ఆంజనేయులు గౌడ్ జిల్లా ప్రధాన కార్యదర్శి మేఘమాల కిషన్ మాజీ ఎంపీపీ లలితా నర్సింగ్ నాయక్ సర్పంచ్ ప్యాట సరిత మహేష్ గౌడ్ తదితరులు పాల్గొన్నారు.