వెల్పూర్‌లో ‘ఖేత్ బచావో అభియాన్’ కార్యక్రమం

సూర్య వేల్పూరు : వ్యవసాయ శాఖ ఆధ్వర్యంలో వెల్పూర్‌లోని రైతు వేదికలో ఈరోజు “ఖేత్ బచావో అభియాన్” కార్యక్రమాన్ని నిర్వహించారు. ఈ సందర్భంగా వాతావరణ మార్పులు, ఎల్‌నినో ప్రభావాలు, భూగర్భ జలాల లభ్యతను దృష్టిలో ఉంచుకుని రైతులు పంటల సాగులో తగిన మార్పులు చేసుకోవాలని వ్యవసాయ శాఖ అధికారులు సూచించారు.నీటి వనరుల లభ్యతను బట్టి పంటలను ఎంపిక చేసుకోవాలని, వరి సాగుకు ప్రత్యామ్నాయంగా పప్పుధాన్యాలు, నూనెగింజల పంటలను ప్రోత్సహించాలని తెలిపారు. నీటిని పొదుపుగా వినియోగించుకుంటూ పంటల వైవిధ్యీకరణ చేపట్టడం ద్వారా భూగర్భ జలాలపై ఒత్తిడిని తగ్గించవచ్చని రైతులకు అవగాహన కల్పించారు.రానున్న కాలంలో వాతావరణ పరిస్థితులు, నీటి లభ్యతను అంచనా వేసుకుని సాగు ప్రణాళిక రూపొందించుకోవాలని, వ్యవసాయ శాఖ సూచనలను పాటిస్తూ అనుకూలమైన పంటలను సాగు చేయాలని సూచించారు.ఈ కార్యక్రమంలో వ్యవసాయ అధికారి రాజు, వ్యవసాయ విస్తరణ అధికారులు రాజేశ్వర్, షబ్బీర్‌తో పాటు పలువురు రైతులు పాల్గొన్నారు.