పట్టభద్రుల ఓటరు నమోదు వేగవంతం చేయాలి: రవికుమార్ యాదవ్,శ్రీనివాస్ రెడ్డి

కొండాపూర్,మేజర్ న్యూస్ : పట్టభద్రుల ఎమ్మెల్సీ ఎన్నికల ఓటరు నమోదు గడువు సమీపిస్తున్నందున అర్హులైన ప్రతి పట్టభద్రుడిని ఓటరుగా నమోదు చేయించాలని బీజేపీ రాష్ట్ర అధికార ప్రతినిధి, శేరిలింగంపల్లి నియోజకవర్గ ఇన్‌ఛార్జ్ రవికుమార్ యాదవ్, జిల్లా అధ్యక్షుడు వనిపల్లి శ్రీనివాస్ రెడ్డి పిలుపునిచ్చారు.మసీద్ బండలోని బీజేపీ కార్యాలయంలో నిర్వహించిన ఎమ్మెల్సీ ఎన్నికల సన్నాహక సమావేశంలో వారు మాట్లాడుతూ, నియోజకవర్గంలోని ప్రతి డివిజన్‌లో ప్రత్యేక సహాయక బృందాలను ఏర్పాటు చేసి, పట్టభద్రుల ఓటరు నమోదు ప్రక్రియకు సహకరిస్తామని తెలిపారు. పార్టీ నాయకులు, కార్యకర్తలు ఇంటింటికీ వెళ్లి అర్హులైన పట్టభద్రులను గుర్తించి దరఖాస్తుల నమోదుకు సహకరించాలని సూచించారు. రాబోయే ఎమ్మెల్సీ ఎన్నికలను దృష్టిలో ఉంచుకుని డివిజన్, బూత్ స్థాయిలో సమన్వయంతో పనిచేయాలని పిలుపునిచ్చారు.ఈ సమావేశంలో బీజేపీ రాష్ట్ర, జిల్లా, నియోజకవర్గం, డివిజన్ స్థాయి నాయకులు, మోర్చా ప్రతినిధులు, కార్యకర్తలు పాల్గొన్నారు.