ఐక్యరాజ్యసమితి ప్రాధాన్యతను తెలుసుకోవాలి: డాక్టర్ వెంకటరమణ

                             ఫ్రెండ్స్ వెల్ఫేర్ అసోసియేషన్ ఆధ్వర్యంలో విద్యార్థులకు  ఐక్యరాజ్యసమితి దినోత్సవ అవగాహన
గచ్చిబౌలి,మేజర్ న్యూస్ :  ఫ్రెండ్స్ వెల్ఫేర్ అసోసియేషన్ కన్వీనర్ తాడి బోయిన రామస్వామి యాదవ్ ఆధ్వర్యంలో మసీదు బండ జిల్లా పరిషత్ ఉన్నత పాఠశాలలో   నిర్వహించిన ఐక్యరాజ్యసమితి దినోత్సవం అవగాహన కార్యక్రమానికి స్థానిక పాఠశాల ప్రధానోపాధ్యాయిని  రజని అధ్యక్షత అధ్యక్షత వహించారు. ముఖ్య అతిథిగా హాజరైన చంచల్‌గూడ ప్రభుత్వ డిగ్రీ కళాశాల విశ్రాంత ప్రిన్సిపాల్ డాక్టర్ పూలపల్లి వెంకటరమణ విద్యార్థులను ఉద్దేశించి ప్రసంగించారు.ఈ సందర్భంగా ఆయన మాట్లాడుతూ, ప్రపంచ శాంతి, భద్రత, ఆర్థిక, సామాజిక అభివృద్ధి, మానవ హక్కుల పరిరక్షణ లక్ష్యంగా ఐక్యరాజ్యసమితి ఏర్పాటైందన్నారు. 1945 అక్టోబర్ 24న 51 దేశాలతో ప్రారంభమైన ఈ సంస్థలో ప్రస్తుతం 193 సభ్యదేశాలు ఉన్నాయని, ప్రధాన కార్యాలయం న్యూయార్క్ నగరంలో ఉందని తెలిపారు. ఐక్యరాజ్యసమితి భద్రతా మండలిలో భారతదేశానికి శాశ్వత సభ్యత్వం లభిస్తే అంతర్జాతీయంగా మన దేశ ప్రభావం మరింత పెరుగుతుందని ఆశాభావం వ్యక్తం చేశారు.ఈ కార్యక్రమంలో ఉపాధ్యాయుడు డాక్టర్ అంబేద్కర్, విద్యార్థులు మరియు ఫ్రెండ్స్ వెల్ఫేర్ అసోసియేషన్ సభ్యులు అమ్మయ్య చౌదరి, శివరామకృష్ణ, వాణి సాంబశివరావు తదితరులు పాల్గొన్నారు.