అమెరి కిడ్స్‌ పాఠశాలలో ఘనంగా బతుకమ్మ సంబరాలు.

సూర్య లోకేశ్వరం. :తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగను అమెరి కిడ్స్ పాఠశాలలో ప్రిన్సిపాల్ అజయ్ రావు ఆధ్వర్యంలో ఘనంగా నిర్వహించారు. ఈ సందర్భంగా విద్యార్థులు, ఉపాధ్యాయులు రంగురంగుల పూలతో అందంగా బతుకమ్మలను పేర్చి, సంప్రదాయ బతుకమ్మ పాటలు పాడుతూ ఉత్సాహంగా వేడుకల్లో పాల్గొన్నారు.పాఠశాల ఆవరణలో పండుగ వాతావరణం నెలకొనగా, విద్యార్థులు సంప్రదాయాల పట్ల ఆసక్తిని ప్రదర్శించారు. తెలంగాణ ఆత్మీయత, ఐక్యత, ప్రకృతి ఆరాధనకు ప్రతీకగా నిలిచే బతుకమ్మ పండుగ విశిష్టతను ఈ వేడుకల ద్వారా చాటిచెప్పారు.సంప్రదాయబద్ధంగా నిర్వహించిన ఈ సంబరాలు విద్యార్థులు, ఉపాధ్యాయుల్లో ఆనందోత్సాహాలను నింపాయి.