భూ రికార్డులపై రైతులకు అవగాహన అవసరం : తహసీల్దార్‌ చంద్రశేఖర్
ఘట్కేసర్ రూరల్, మేజర్ న్యూస్: భూ సమస్యల పరిష్కారంతో పాటు భూముల రికార్డుల్లో పారదర్శకత, కచ్చితత్వం కోసం రైతులు, భూ యజమానులు భూభారతి, భూసర్వే విధానాలపై అవగాహన పెంపొందించుకోవాలని ఘట్కేసర్ మండల తహసీల్దార్‌ చంద్రశేఖర్ సూచించారు. మండల రెవెన్యూ శాఖ ఆధ్వర్యంలో శనివారం యంనంపేట్‌ రెవెన్యూ గ్రామంలో నిర్వహించిన భూభారతి–భూసర్వే అవగాహన సదస్సులో ఆయన మాట్లాడారు. గ్రామంలోని భూముల సమగ్ర సర్వే, డిజిటల్‌ మ్యాపింగ్‌, భూదార్‌ కార్డుల జారీకి సంబంధించిన అంశాలను ఈ సందర్భంగా వివరించారు. భూ రికార్డులు, సర్వే ప్రక్రియపై ప్రజలకు అవగాహన కల్పిస్తూ, భూములకు సంబంధించిన వివరాలపై సందేహాలను నివృత్తి చేసుకునేందుకు ఇటువంటి సదస్సులు ఉపయోగపడతాయని పేర్కొన్నారు. ఈ కార్యక్రమంలో డిప్యూటీ తహసీల్దార్‌ చంద్రశేఖర్, ఆర్‌ఐ సాయిరాం, మండల సర్వేయర్‌, ఇతర రెవెన్యూ అధికారులు, పోచారం డివిజన్‌ కాంగ్రెస్‌ పార్టీ వర్కింగ్‌ ప్రెసిడెంట్‌ మెట్టు గణేష్‌ యాదవ్‌, యంనంపేట్‌ మాజీ సర్పంచ్‌ పతేప్పు రాములు, గ్రామ శాఖ అధ్యక్షుడు సహదేవ్‌ గౌడ్‌, సగ్గు శ్రీనివాస్‌, పొలాగోని ప్రభాకర్‌ గౌడ్‌, రేగు సత్యనారాయణ, పతేప్పు పోశెట్టి, పొలాగోని కృష్ణ గౌడ్‌, నలరాళ్ల కొండల్‌ రెడ్డి, సగ్గు జగన్మోహన్‌, బీజేపీ నాయకుడు పతేప్పు పాండు, గ్రామ పెద్దలు, ప్రజలు పాల్గొన్నారు.
రిపోర్టర్: రాజు, ఘట్కేసర్ రూరల్, మేడ్చల్ జిల్లా.
