దుందిగల్ అసైన్డ్ భూముల ల్యాండ్ పూలింగ్‌పై స్పష్టత ఇవ్వాలి..
దుందిగల్ రైతుల సమస్యను మంత్రి పొంగులేటి శ్రీనివాసరెడ్డి దృష్టికి తీసుకెళ్లిన బొంగునూరి కిషోర్ రెడ్డి, కావలి గణేష్
దుండిగల్ మేజర్ న్యూస్ :మేడ్చల్–మల్కాజిగిరి జిల్లా, కుత్బుల్లాపూర్ నియోజకవర్గం దుందిగల్ గ్రామంలోని రైతుల భూ సమస్యపై తెలంగాణ రాష్ట్ర రెవెన్యూ, గృహనిర్మాణం, సమాచార, పౌరసంబంధాల శాఖల మంత్రి పొంగులేటి శ్రీనివాసరెడ్డిని తెలంగాణ రాష్ట్ర ప్రోటోకాల్ వైస్ చైర్మన్ బొంగునూరి కిషోర్ రెడ్డి, దుందిగల్ మాజీ సర్పంచ్ కావలి గణేష్‌తో పాటు పలువురు రైతులు శనివారం కలిశారు. దుందిగల్ గ్రామ పరిధిలోని సర్వే నంబర్లు 453, 454లో ఉన్న అసైన్డ్ భూముల ల్యాండ్ పూలింగ్ అంశంపై స్పష్టత ఇవ్వాలని వారు మంత్రిని కోరారు.
గత మూడు నెలలుగా రెవెన్యూ అధికారులు రైతులతో గ్రామసభలు నిర్వహించినప్పటికీ, తదుపరి ప్రక్రియపై స్పష్టమైన సమాచారం అందకపోవడంతో రైతులు తమ సమస్యను మంత్రి దృష్టికి తీసుకెళ్లారు. ల్యాండ్ పూలింగ్‌కు సంబంధించిన వివరాలను వెల్లడించి, రైతుల్లో నెలకొన్న సందేహాలను నివృత్తి చేయాలని విజ్ఞప్తి చేశారు. ఈ కార్యక్రమంలో రైతులు బొమ్మల అశోక్ ముదిరాజ్, పండుగ శ్రీశైలం ముదిరాజ్, దొంతి మహేష్ ముదిరాజ్, బిక్షపతి, కావలి శంకరయ్య, చెలకల అశోక్, చంద్రయ్య, జక్కుల కృష్ణ యాదవ్, సిరగల స్వామి తదితరులు పాల్గొన్నారు. తమ భూములకు సంబంధించిన సమస్యపై ప్రభుత్వం స్పష్టతనిచ్చి, పరిష్కార దిశగా చర్యలు తీసుకోవాలని దుందిగల్ రైతులు కోరారు.
