*వరకట్న వేధింపు కేసులో భర్తకు 3 ఏళ్ల జైలు* *మధిర కోర్టులో సంచలన తీర్పు*

మధిర, సూర్య మేజర్ న్యూస్.

వరకట్న వేధింపుల కేసులో మధిర కోర్టు సంచలన తీర్పు వెలువరించింది. ఐదేళ్ల క్రితం నమోదైన కేసులో భర్తకు మూడేళ్ల జైలు శిక్ష విధిస్తూ ప్రిన్సిపల్ జ్యుడీషియల్ ఫస్ట్ క్లాస్ మెజిస్ట్రేట్ వేముల దీప్తి తీర్పునిచ్చారు. ఖమ్మం కమిషనరేట్ పరిధిలోని మధిర పోలీస్ స్టేషన్ లో 2020 లో నమోదైన క్రైమ్ నెంబర్ 237/2020 కేసు విచారణ మంగళవారం జరిగింది. ప్రభుత్వం తరపున అసిస్టెంట్ పబ్లిక్ ప్రాసిక్యూటర్   జె. భద్రయ్య సమర్థవంతంగా వాదనలు వినిపించి, సాక్ష్యాధారాలతో నేరం రుజువు చేశారు. ముద్దాయి ఏ1- షేక్ నాగుల్ మీరాకు  ఐపీసీ 498- ఏ  కింద 2 ఏళ్లు, వరకట్న నిరోధక చట్టం సెక్షన్ 3, 4 కింద 6 నెలల చొప్పున మొత్తం 3 ఏళ్ల జైలు శిక్ష, రూ.17,000 జరిమానా విధించారు. జరిమానా చెల్లించని పక్షంలో అదనపు జైలు శిక్ష ఉంటుందని కోర్టు పేర్కొంది. అదే కేసులో మిగిలిన A2 నుండి A4 ముద్దాయిలను అన్ని సెక్షన్ల నుండి నిర్దోషులుగా విడుదల చేస్తూ ఉత్తర్వులు జారీ చేశారు. ఈ తీర్పుతో వరకట్న వేధింపులకు పాల్పడితే కఠిన శిక్ష తప్పదనే సంకేతం వెళ్లిందని న్యాయ నిపుణులు అభిప్రాయపడుతున్నారు.

సీతారాం…సూర్య