BREAKING
మండలాన్ని దట్టంగా కామ్మేసిన మంచు..! -ఓవైపు ఆహ్లాదం..మరోవైపు వినోదం..! సాంబన్న క్యాంపు కార్యాలయంలో ఏకగ్రీవ సంబరం *నూతన వధూవరులను ఆశీర్వదించిన మార్కెట్ కమిటీ ఛైర్మన్ ప్రశాంత్ రెడ్డి* *జాతీయ మార్షల్ ఆర్ట్స్ ఛాంపియన్‌షిప్‌లో తెలంగాణ మోడల్ స్కూల్ విద్యార్థుల ప్రతిభ* 21వ వార్డులో జోరందుకున్న ఎన్నికల ప్రచారం పూతలపట్టులో దట్టమైన పొగమంచు.. స్తంభించిన రాకపోకలు, భయాందోళనలో వాహనదారులు అక్కడక్కడ చిన్నపాటి ప్రమాదాలు స్నేహితుని కుటుంబానికి ఆర్థిక సహాయం అందజేత హలో నేతన్న.. చలో చేనేత భవన్ విజయవంతం చేయాలిపద్మశాలి సంఘం జిల్లా యూత్ అధ్యక్షుడు పోల నవీన్ కుమార్ సూర్య వార్తకు స్పందన.. చవటపల్లి ముందర సర్వీస్ రోడ్డుపై స్పీడ్ బ్రేకర్లు ఏర్పాటు చేసిన ఎన్.హెచ్.ఏ.ఐ అధికారులు కౌడిపల్లిలో ఇందిరమ్మ కుటుంబ జీవిత బీమా పథకం ఆన్‌లైన్ నమోదు ప్రక్రియ ప్రారంభం కడుపునొప్పి భరించలేక వివాహిత ఆత్మహత్య తెలంగాణ సారస్వత పరిషత్తు నిర్వహించిన పోటీలలో విద్యార్థుల ప్రతిభ తెలంగాణ హైకోర్టులో అడ్వకేట్‌గా ప్రమాణ స్వీకారం జీజీహెచ్‌లో సహజ ప్రసవాలపై అవగాహన ర్యాలీ ఆత్మకూరులో "ఆనం ", "బొమ్మిరెడ్డి "ల మేలుకలయిక మలుపు తిరిగిన రాజకీయం

వైభవంగా బోనాల ఉత్సవాలు

Select Suryaa Now
 వైభవంగా బోనాల ఉత్సవాలు

 


పాపన్నపేట :రాష్ట్రంలో ప్రసిద్ధ పుణ్యక్షేత్రమైన పాపన్నపేట మండలం ఏడుపాయల వనదుర్గామాత చెంత గురువారం బోనాల జోరు హోరెత్తింది. వన దుర్గమ్మ ఆలయం చెంత ఉన్న గోకుల్ షెడ్ లో దేవి శరన్నవరాత్రి ఉత్సవాలు అంగరంగ వైభవంగా సాగుతున్నాయి. ఉత్సవాల్లో భాగంగా 5వ రోజైన గురువారం వనదుర్గమ్మను మహాలక్ష్మి దేవి రూపంలో సుందరంగా అలంకరించి భక్తులకు దర్శనం కల్పించారు.
అనంతరం గోకుల్ షెడ్ లో ప్రతిష్టించిన ఉత్సవ విగ్రహం వద్ద జ్యోతి ప్రజ్వలన చేసి బోనాల ఊరేగింపు ఘనంగా నిర్వహించారు. బోనాలను డప్పు చప్పుళ్ళు.. మేళ తాళాల మధ్య ఊరేగింపుగా తీసుకెళ్లి వనదుర్గమ్మకు సమర్పించారు. భక్తుల జయ జయ ద్వానాల మధ్య ఏడుపాయల వన దుర్గమ్మ క్షేత్రం హోరెత్తింది. వనదుర్గమ్మ తల్లి.. చల్లంగా చూడమ్మా అంటూ భక్తులు వేడుకున్నారు.

భక్తిశ్రద్ధలతో బోనాల సమర్పణ

మాజీ ఎమ్మెల్యేలు పద్మా దేవేందర్ రెడ్డి, గొంగిడి సునీత, తుల ఉమ ఏడుపాయల వనదుర్గామాతను దర్శించుకుని ప్రత్యేక పూజలు నిర్వహించారు. భక్తిశ్రద్ధలతో అమ్మవారికి బోనం సమర్పించి మొక్కులు చెల్లించుకున్నారు. అమ్మవారి ఆశీస్సులు ప్రజలందరిపై ఉండాలని ప్రార్థించారు. బోనాల సమర్పణతో సంప్రదాయ భక్తి వైభవం ఉట్టిపడింది.

అలరించిన చిన్నారుల సాంస్కృతిక కార్యక్రమాలు..

గోకుల్ షెడ్ లో నిర్వహిస్తున్న ఉత్సవాల ప్రాంగణంలో చిన్నారులు ప్రదర్శించిన సాంస్కృతిక కార్యక్రమాలు భక్తులను విశేషంగా ఆకట్టుకున్నాయి. సంప్రదాయ అమ్మవారి కళారూపాలు, చిన్నారుల ప్రతిభాపాటవాలు కార్యక్రమానికి ప్రత్యేక ఆకర్షణగా నిలిచాయి. చిన్నారుల ప్రదర్శనలను భక్తులు ఆసక్తిగా తిలకించి అభినందించారు.

భక్తి.. సంప్రదాయం.. ఆధ్యాత్మిక వైభవం!

అమ్మవారి దర్శనం, బోనాల సమర్పణలు, భక్తుల పూజలు, చిన్నారుల సాంస్కృతిక ప్రదర్శనలతో ఏడుపాయల క్షేత్రం ఆధ్యాత్మిక కళను సంతరించుకుంది. భక్తుల కొంగుబంగారంగా విరాజిల్లుతున్న వనదుర్గమ్మను దర్శించుకుని మొక్కులు చెల్లించుకునేందుకు వచ్చిన భక్తులతో ఆలయ పరిసరాలు సందడిగా మారాయి. ఈ కార్యక్రమంలో ఆలయ కార్య నిర్వహణ అధికారి వీరేశం సిబ్బంది సూర్య శ్రీనివాస్ ,మధుసూదన్ రెడ్డి, ప్రతాపరెడ్డి, శ్రీనివాస్ శర్మ ,బ్రహ్మచారి తదితరులు పాల్గొన్నారు