వడ్ల కొనుగోలు కేంద్రాలు, అభివృద్ధి పనుల ప్రారంభం – కళ్యాణలక్ష్మి, షాదీ ముబారక్ చెక్కులు, ఇందిరమ్మ ఇళ్ల పట్టాలు, స్మార్ట్ రేషన్ కార్డుల పంపిణీ*

రామాయంపేట;మెదక్ నియోజకవర్గ అభివృద్ధి, రైతుల సంక్షేమం, పేద ప్రజలకు ప్రభుత్వ పథకాల ఫలాలు అందించడమే ప్రధాన లక్ష్యంగా ముందుకు సాగుతున్నామని *మెదక్ ఎమ్మెల్యే డాక్టర్ మైనంపల్లి రోహిత్ రావు* అన్నారు. శుక్రవారం రామాయంపేట పట్టణం, నిజాంపేట మండల పరిధిలో ఆయన విస్తృతంగా పర్యటించి పలు అభివృద్ధి కార్యక్రమాలను ప్రారంభించడంతో పాటు వివిధ సంక్షేమ పథకాల కింద అర్హులైన లబ్ధిదారులకు ప్రయోజనాలను అందజేశారు.ముందుగా రామాయంపేట పట్టణంలోని PACS మార్కెట్ యార్డులో ఏర్పాటు చేసిన వడ్ల కొనుగోలు కేంద్రాన్ని *ఎమ్మెల్యే* ప్రారంభించారు. అనంతరం పెద్దమ్మ టెంపుల్ వద్ద ఏర్పాటు చేసిన మరో PACS వడ్ల కొనుగోలు కేంద్రాన్ని ప్రారంభించారు. ఈ సందర్భంగా ఎమ్మెల్యే మాట్లాడుతూ రైతులు ఆరుగాలం కష్టపడి పండించిన ధాన్యానికి గిట్టుబాటు ధర లభించేలా ప్రభుత్వం కొనుగోలు కేంద్రాలను ఏర్పాటు చేస్తోందని తెలిపారు. రైతులు దళారులను ఆశ్రయించకుండా ప్రభుత్వ కొనుగోలు కేంద్రాలను సద్వినియోగం చేసుకోవాలని సూచించారు. ధాన్యం కొనుగోలులో రైతులకు ఎలాంటి ఇబ్బందులు కలగకుండా అధికారులు సమన్వయంతో పనిచేయాలని ఆదేశించారు.అనంతరం రామాయంపేట పట్టణంలోని బాలాజీ ఫంక్షన్ హాల్‌లో నిర్వహించిన కార్యక్రమంలో రామాయంపేట పట్టణం, మండల పరిధిలోని అర్హులైన లబ్ధిదారులకు కళ్యాణలక్ష్మి, షాదీ ముబారక్ పథకాల చెక్కులను ఎమ్మెల్యే పంపిణీ చేశారు. ఈ సందర్భంగా ఆయన మాట్లాడుతూ పేద కుటుంబాల్లో ఆడపిల్లల వివాహాలు ఆర్థిక భారంగా మారకుండా ప్రభుత్వం అందిస్తున్న ఈ ఆర్థిక సహాయం ఎంతో ఉపయోగకరంగా ఉంటుందని పేర్కొన్నారు. అర్హులైన ప్రతి కుటుంబానికి ప్రభుత్వ సంక్షేమ పథకాల ప్రయోజనాలు అందించేందుకు కృషి చేస్తామని తెలిపారు.అదే కార్యక్రమంలో రామాయంపేట పట్టణం, మండల పరిధిలో గుడిసెల్లో నివసిస్తున్న అర్హులైన లబ్ధిదారులకు ఇందిరమ్మ ఇళ్ల పట్టాలను అందజేశారు. ఈ సందర్భంగా ఎమ్మెల్యే మాట్లాడుతూ ప్రతి పేద కుటుంబానికి సొంత ఇల్లు ఉండాలన్నది ప్రభుత్వ సంకల్పమని తెలిపారు. నిరుపేదలకు గౌరవప్రదమైన నివాసం కల్పించేందుకు ఇందిరమ్మ ఇళ్ల పథకం అమలు చేస్తున్నామని, అర్హులైన లబ్ధిదారులకు ఇళ్ల నిర్మాణానికి సంబంధించిన ప్రయోజనాలు అందేలా ప్రభుత్వం చర్యలు తీసుకుంటోందని పేర్కొన్నారు.రామాయంపేట పట్టణానికి చెందిన అర్హులైన లబ్ధిదారులకు స్మార్ట్ రేషన్ కార్డులను ఎమ్మెల్యే పంపిణీ చేశారు. ఈ సందర్భంగా మాట్లాడుతూ రేషన్ కార్డులు పేద కుటుంబాలకు ఆహార భద్రత కల్పించడంతో పాటు వివిధ ప్రభుత్వ సంక్షేమ పథకాలు పొందేందుకు ఎంతో ఉపయోగపడతాయని తెలిపారు. అర్హులైన ప్రతి కుటుంబానికి ప్రభుత్వ పథకాలు అందేలా చర్యలు తీసుకుంటామని పేర్కొన్నారు.అనంతరం నిజాంపేట మండల పరిధిలోని చౌకత్‌పల్లి గ్రామాన్ని సందర్శించిన ఎమ్మెల్యే నూతనంగా నిర్మించిన గ్రామపంచాయతీ భవనం, బోరు మోటారు, ప్రభుత్వ పాఠశాల ప్రహరీ గోడను ప్రారంభించారు. ఈ సందర్భంగా ఆయన మాట్లాడుతూ గ్రామాల అభివృద్ధికి మౌలిక వసతుల కల్పన ఎంతో అవసరమని అన్నారు. గ్రామపంచాయతీ భవనం ద్వారా ప్రజలకు పరిపాలనా సేవలు మరింత చేరువవుతాయని, బోరు మోటారు ద్వారా తాగునీటి అవసరాలకు ఉపశమనం లభిస్తుందని తెలిపారు. పాఠశాలల్లో మౌలిక సదుపాయాల కల్పనతో విద్యార్థులకు మెరుగైన, సురక్షితమైన విద్యా వాతావరణం ఏర్పడుతుందని పేర్కొన్నారు. గ్రామాల అభివృద్ధికి అవసరమైన పనులకు ప్రాధాన్యత ఇస్తామని హామీ ఇచ్చారు.అనంతరం కల్వకుంట్ల గ్రామంలో ఏర్పాటు చేసిన వడ్ల కొనుగోలు కేంద్రాన్ని ఎమ్మెల్యే ప్రారంభించారు. ఈ సందర్భంగా మాట్లాడుతూ రైతులు పండించిన ధాన్యాన్ని ప్రభుత్వ కొనుగోలు కేంద్రాల్లోనే విక్రయించి మద్దతు ధర పొందాలని సూచించారు. కొనుగోలు కేంద్రాల్లో అవసరమైన సదుపాయాలు కల్పించాలని, ధాన్యం కొనుగోలు ప్రక్రియ సజావుగా జరిగేలా అధికారులు చర్యలు తీసుకోవాలని తెలిపారు. రైతుల సమస్యల పరిష్కారానికి తాను ఎల్లప్పుడూ అందుబాటులో ఉంటానని పేర్కొన్నారు.పర్యటనలో చివరిగా నిజాంపేట మండల రైతువేదికలో నిర్వహించిన కార్యక్రమంలో మండల పరిధిలోని అర్హులైన లబ్ధిదారులకు స్మార్ట్ రేషన్ కార్డులు, గుడిసెల్లో నివసిస్తున్న అర్హులైన కుటుంబాలకు ఇందిరమ్మ ఇళ్ల పట్టాలను ఎమ్మెల్యే పంపిణీ చేశారు.ఈ సందర్భంగా *ఎమ్మెల్యే డాక్టర్ మైనంపల్లి రోహిత్ రావు* మాట్లాడుతూ పేదల సంక్షేమం, సామాజిక భద్రత, గ్రామీణ అభివృద్ధికి ప్రభుత్వం అధిక ప్రాధాన్యత ఇస్తోందని అన్నారు. అర్హులైన ప్రతి కుటుంబానికి సంక్షేమ పథకాల ప్రయోజనాలు అందించడమే లక్ష్యమని తెలిపారు. ప్రజలకు ఇచ్చిన హామీలను నెరవేర్చడంతో పాటు మెదక్ నియోజకవర్గాన్ని అభివృద్ధి పథంలో ముందుకు తీసుకెళ్లేందుకు నిరంతరం కృషి చేస్తానని పేర్కొన్నారు.రైతుల సంక్షేమం నుంచి పేదల గృహ నిర్మాణం వరకు, గ్రామీణ మౌలిక వసతుల నుంచి ప్రజలకు అవసరమైన ప్రభుత్వ సేవల వరకు ప్రతి అంశానికి ప్రాధాన్యత ఇస్తున్నామని ఎమ్మెల్యే తెలిపారు. ప్రజాప్రతినిధులు, అధికారులు సమన్వయంతో పనిచేసి ప్రభుత్వ పథకాలు అర్హులైన ప్రతి ఒక్కరికీ చేరేలా చూడాలని సూచించారు. ప్రజల సమస్యలను ఎప్పటికప్పుడు పరిష్కరిస్తూ మెదక్ నియోజకవర్గాన్ని అన్ని రంగాల్లో అభివృద్ధి చేయడమే తన లక్ష్యమని ఎమ్మెల్యే డాక్టర్ మైనంపల్లి రోహిత్ రావు* స్పష్టం చేశారు. ఈ కార్యక్రమంలో తహశీల్దార్ రజిని కుమారి మున్సిపాల్ కమీషనర్ రవిందర్ మున్సిపల్ చైర్ పర్సన్ గజవాడ లావణ్య నాగరాజు గుప్తాతో కాంగ్రెస్ పార్టీ మండల అధ్యక్షుడు భండారి మహేందర్ రెడ్డి వెంకటేష్ గౌడ్ రంగా రాజా కిషన్ చింతల స్వామి రవిందర్ రెడ్డి మహేందర్ రెడ్డి పాటు పలువురు కౌన్సిలర్లు రంజిత్ సందీప్ డాకి శ్యామల స్వామి బైరం స్వప్న కుమార్ కాంగ్రెస్ పార్టీ నాయకులు పాల్గొన్నారు