వడ్డెర కాలనీలో అక్రమ బెల్టు షాపులపై పోలీసుల దాడులు రూ.40 వేల విలువైన మద్యం స్వాధీనం.. నలుగురిపై కేసులు

సూర్య మంచిర్యాల టౌన్ : పట్టణంలోని వడ్డెర కాలనీలో అక్రమంగా మద్యం విక్రయిస్తున్న బెల్టు షాపులపై మంచిర్యాల పోలీసులు ఆదివారం ఆకస్మిక దాడులు నిర్వహించారు.ఉన్నతాధికారుల ఆదేశాల మేరకు పట్టణ ఇన్‌స్పెక్టర్ ప్రమోద్ ఆధ్వర్యంలో ఎస్‌ఐ ఆది మధుసూదన్, పోలీసు సిబ్బంది తనిఖీలు చేపట్టారు.ఈ తనిఖీల్లో ఎలాంటి అనుమతులు లేకుండా మద్యం విక్రయిస్తున్న నలుగురిని గుర్తించి,వారి వద్ద నుంచి సుమారు రూ.40 వేల విలువైన మద్యాన్ని స్వాధీనం చేసుకున్నారు.వడ్డెర కాలనీకి చెందిన ఒల్లెపు కుమార్, గౌతమినగర్‌కు చెందిన యైదా లక్ష్మణ్, వడ్డెర కాలనీకి చెందిన ఎడగొట్టు పున్నం,వల్లెపు సాయి కుమార్‌లు అక్రమంగా మద్యం విక్రయిస్తున్నట్లు పోలీసులు గుర్తించారు.అనంతరం నలుగురిని స్వాధీనం చేసుకున్న మద్యంతో సహా పోలీస్ స్టేషన్‌కు తరలించి, వారిపై తదుపరి చట్టపరమైన చర్యలు చేపట్టారు.అనుమతులు లేకుండా మద్యం విక్రయించే వారిపై కఠిన చర్యలు తీసుకుంటామని పట్టణ ఇన్‌స్పెక్టర్ ప్రమోద్ హెచ్చరించారు. అక్రమ మద్యం విక్రయాలపై నిరంతరం నిఘా కొనసాగుతుందని స్పష్టం చేశారు.