వావిలాల పిర్ష చెరువు కట్టపై ధ్వంసమైన సమాచార బోర్డు

జిన్నారం:జిన్నారం మున్సిపాలిటీ పరిధిలోని జంగంపేట శివారులో ఉన్న వావిలాల పీర్ష చెరువు కట్టపై ఏర్పాటు చేసిన సమాచార బోర్డు ధ్వంసమై నేలకొరిగింది. చెరువు విస్తీర్ణం, నీటిమట్టం తదితర వివరాలతో ఏర్పాటు చేసిన ఈ బోర్డు ప్రస్తుతం నిరుపయోగంగా మారింది. చెరువు వివరాలను తెలియజేసే బోర్డు ధ్వంసం కావడంతో ఇరిగేషన్ అధికారులు పట్టించుకోవడం లేదనే విమర్శలు వ్యక్తమవుతున్నాయి. చెరువుల పరిరక్షణకు ప్రాధాన్యం ఇవ్వాల్సిన అధికారులు, ఇలాంటి సమాచార బోర్డుల నిర్వహణపై కూడా దృష్టి సారించాలని స్థానికులు కోరుతున్నారు. ఇప్పటికైనా సంబంధిత అధికారులు స్పందించి ధ్వంసమైన బోర్డును తొలగించి, దాని స్థానంలో కొత్త బోర్డును ఏర్పాటు చేయాలని రైతులు ,స్థానికులు కోరుతున్నారు.

జిన్నారం రిపోర్టర్ యు.చంద్రశేఖర్