వార్డు మెంబర్ల హక్కులు కల్పించాలి

నవాబుపేట సూర్య న్యూస్: వార్డు మెంబర్ల హక్కుల సాధన కోసం వార్డు మెంబర్ల మండల అధ్యక్షుడు వెంకటనారాయణ ఆధ్వర్యంలో శుక్రవారం ఎంపీడీవో జయరాం నాయక్‌కు వినతిపత్రం అందజేశారు.ఈ సందర్భంగా వారు మాట్లాడుతూ..వార్డు మెంబర్లకు ప్రతినెలా రూ.3వేల గౌరవ వేతనం అందించాలని,వార్డుల అభివృద్ధికి ప్రత్యేక నిధులు కేటాయించాలని కోరారు. ఎవరైనా వార్డు మెంబర్ మరణిస్తే వారి కుటుంబానికి రూ.5లక్షల ఆర్థిక సహాయం అందించాలని,గ్రామాల్లో చేపట్టే అభివృద్ధి కార్యక్రమాల శిలాఫలకాలపై వార్డు మెంబర్ల పేర్లు కూడా పొందుపరిచేలా చర్యలు తీసుకోవాలని వినతిపత్రంలో విజ్ఞప్తి చేశారు.ఈ కార్యక్రమంలో వార్డు మెంబర్లు శేఖర్,యాదయ్య,నరేష్,అంజయ్య,రవి శివాజీ తదితరులు పాల్గొన్నారు.