త్రాగునీటి సమస్య తలెత్తకుండా ముందస్తు చర్యలు చేపట్టాలి

మద్దూర్ ..…గ్రామాలలో త్రాగునీటి సమస్య తలెత్తకుండా ముందస్తు చర్యలు చేపట్టాలని మద్దూర్ ఎంపీడీవో చిలుముల శ్రీనివాస్ కోరారు. గురువారం మద్దూర్,దూల్మిట్ట మండలాలలో త్రాగునీటి సరఫరా పై సర్పంచ్ లు, కార్యదర్శులతో సమీక్షా సమావేశం నిర్వహించారు. ఈ సందర్భంగా ఎంపీడీవో మాట్లాడుతూ గ్రామాలలో తాగునీటి ఇబ్బందులు కలగకుండా చేయుటకు మిషన్ భగీరథ ద్వారా ఈ నెల 15వ తేదీ నుంచి 31 వ తేదీ వరకు గ్రామాలలో స్పెషల్ డ్రైవ్ చేపడుతున్నట్లు తెలిపారు. ఎల్ నినో ప్రభావం వల్ల వర్షపాతం తగ్గి భూగర్భ జలాల రికార్డ్ ఉపరితల నీటి వనరుల లభ్యతపై కలిగే ప్రభావాన్ని దృష్టిలో ఉంచుకొని ప్రజలకు నిరంతరాయంగా త్రాగునీటి సరపర అందించేలా చర్యలు చేపట్టాలన్నారు. ఈ సమావేశంలో మద్దూర్ దూల్మిట్ట ఎంపీ ఓ లు జి వెంకటేశ్వర్లు, మోహన్, మిషన్ భగీరథ ఏఈ ప్రవళిక, పంచాయతీ కార్యదర్శులు, వివిధ గ్రామాల సర్పంచ్ లు తదితరులు పాల్గొన్నారు.