ఎండపల్లి పాఠశాలలో ఘనంగా స్వయం పరిపాలన దినోత్సవం

 సూర్య ఎండపల్లి ;ఎండపల్లి మండల పరిషత్ ప్రాథమిక పాఠశాలలో ప్రధానోపాధ్యాయులు దాశెట్టి రవీందర్ రెడ్డి ఆధ్వర్యంలో ముందస్తు బాలల దినోత్సవాన్ని పురస్కరించుకొని స్వయం పరిపాలన దినోత్సవం ఘనంగా నిర్వహించారు. ఈ సందర్భంగా విద్యార్థులు ఒక్కరోజు ఉపాధ్యాయులుగా మారి తోటి విద్యార్థులకు పాఠాలు బోధిస్తూ తమ ప్రతిభను చాటుకున్నారు. నాలుగో తరగతి విద్యార్థి గౌరీ లక్షత్ వర్మ తండ్రి చిరంజీవి పండ్లు పంపిణీ చేయగా, ఐదో తరగతి విద్యార్థిని దాసరి అనుశ్రీ తండ్రి, వార్డు సభ్యుడు దాసరి మల్లేశం బహుమతులు అందజేశారు. ముఖ్య అతిథిగా పాల్గొన్న సర్పంచ్ మారం సునీత జలంధర్ రెడ్డి విద్యార్థులు క్రమశిక్షణ, పట్టుదలతో ఉన్నత లక్ష్యాలను సాధించాలని సూచించగా, ప్రధానోపాధ్యాయులు దాశెట్టి రవీందర్ రెడ్డి బాలల దినోత్సవ ప్రాముఖ్యతను వివరించారు. ఈ కార్యక్రమంలో ఉపాధ్యాయులు నాగం రమేష్, మొగురం శ్రీధర్, పరిసే రాజశేఖర్, సుబ్బని తిరుపతి, రాజోజి శ్రీదేవి, ప్రాథమిక పూర్వ విద్యా బోధకురాలు సంధ్య, పుష్పలత, సహాయకుడు గణేష్, పాఠశాల శ్రేయోభిలాషులు పాల్గొన్నారు.